Inuit ukiumut 50.000-it missaat Katuamut filmeriartarput filmeriartartullu ukiumikkut assigiinngissitaartorujussuullutik. Inuppassuarnit takuneqartarmata, taamaattumik suliffeqarfinnut periarfissatsialaavoq filmertarfimmi ussassaaruteqarnissaa.

Ussassaarutit filmit tamarmik aallartinngilaattaani takutinneqartarput. Katuaq soorunami aamma filminik sorlernik takutitsinissaminut takutitsinnginnissaminullu pissuserissaarnerup tungaatigut pisussaaffeqarpoq. Tassunga tunngatillugu paasissutissat sukumiinerusut uani takuneqarsinnaapput: www.medieraadet.dk. Katuap ussassaarutit kikkunnit tamanit takuneqarsinnaasuinnaat takutittarpai.

Filmernermut atatillugu ussassaaruteqarnissat eqqarsaatersuutigigukku paasissutissat naleqquttut ukuupput:

  • Ussassaarinermut suliffeqarfik paasissutissat sukumiisut tunniutereernerisa kingorna ussassaarutissamik suliaqartissavat
  • Ussassaarut 20 sekundinik sivisussusilik minnerpaamik qaammatip ataatsip ingerlanerani takutinneqartussaq 1.760,- kruuninik akeqarpoq.(88 kr per sekund)
  • Qaammatit tamaasa ussassaarutinnik qaammatit aappaat aallarnerfigalugu akeqanngitsumik allanngortinnissaanut pisinnaatitaaffeqarputit, qaammatit pingajussaanni ussassaarereernermi marlunnik akeqanngitsumik allanngortitsinissannut pisinnaatitaaffeqarputit il. il.
  • Ussassaarutivit akulikinnerusumik allanngortittarnissaa kissaatigigukku, Katuamut 225,- kruuninik allanngortitsinermut ataatsimut akiliisassaatit.

Paasissutissat sukumiinerusut ujartorukkit katuaqbio@katuaq.gl attavigineqarsinnaavoq.