Nuup qeqqaqqissaavai Kalaallit Nunaata Kulturikkut Illorsua Katuaq qitiulluni pisortat allaffeqarfissuisa pisiniarfiillu akornanni inissisimavoq. Illu immikkuullarequtilerujussuuvoq, asseqanngivissoraluarluni issittumi illoqarfiup ilisarnaataatut tulluuttoq. Illorsuup ilusilersornerani arsarnerit maligaasiortut qaamarngullu apummi sermimilu qillaarpalaarnerat isumassarsiorfigineqarsimapput. Illorsuarmik ilusilersuisut tassaapput illussanik titartaasartut Schmidt, Hammer aamma Lassen Århusimeersut, DK.

Illorsuaq pingasunik teqeqqulik naqqup ataa ilanngullugu pingasunik qulereeqarpoq. Kulturikkut illorsuarmi pingasunik "illoqarpoq", Inersuaq, Inersuaaraq cafélu nigallip affaatut, kipparissutut pingasunillu teqeqqulittut sananeqarsimasoq. Katuaq, kalaallisut qilaatip katuaanik isumaqartoq, 15. februar 1997 ammarpoq taamaattumillu 2017-imi ukiunik 20-nngortorsiorluni nalliuttorsiorpoq.

Katuaq-Kalaallit Nunaata Kulturikkut Illorsua Nordisk Ministerådip, Nuup Kommuneata Kalaallit Nunaannilu Namminersorlutik Oqartussat kinguneqarluartumik suleqatigiinnerisigut pilersinneqarpoq. Illorsuaq Katuaq i/s-imit, Kalaallit Nunaanni Namminersornerullutik Oqartussanit Nuup Kommuneanillu aningaasaliiffigineqartartoq aningaasaateqarfimmit inuussutissarsiornermik ingerlataqartumit Katuamit pigineqarpoq.


Uani
 aasinnaavat illup ilusilersornera.