Katuami eqqumiitsuliaqarpoq arlalinnik kusanartunik, pulaartuulluni maluginiagassanik. Siullermik Hans Lyngep Inersuani scenep tippersua angisooq eqqumiitsuliortumit Aka Høeghmit sanaajusoq. Suliaq kusanarluinnartoq Danmarkip-Kalaallit Nunaatalu Kulturikkut Aningaasaateqarfianit aningaasaliiffigineqarsimasoq.

Saaffiginnittarfiup qulaani betonimut seqineq qaammallu pillugit kalaallit oqaluttuatoqaat, Buuti Pedersenimit sanaajusoq, kigartorneqarsimavoq.

Isertarfiup pingaarnerup silataaniipput qajaasaliat eqqumiitsuliortumit Isle Hessnerimit sananeqarsimasut. Qajaasaliat issiavigineqarsinnaasunngorlugit sanaajupput.

Eqqumiitsuliat arfineq-marluk Aage Gitz-Johansenimit (1897-1977) Aage Gitz-Johansenip Aningaasaateqarfiannit cafép pingasunik teqeqqullip qulaani nivingasussanngorlugit tunniussaapput.

Majuartarfiit qipisuusat eqqaanni ilusilersugaq "Red Wolfe" Larry Ahkvakanamit, Alaskameersumit, North Slope Regional Corporationimeersumit tunissutaavoq.

Junip 21-at 2009 Kalaallit Nunaanni namminersornerulernerup ukiut 20-it matuma eqqunneqarneranut atatillugu, Julie Edel Hardenberg-ip eqqumiitsuliai, inuit kiinaanik pinnersarneqarsimasut, katuap paarlersuani igalaani saqqummersinneqartut takuneqarsinnaasarput allanik saqqummersitsisoqartinnagu.