Aningaasaqarnermut allaffissornermullu pisortarilissavatsigit?

Katuaq – Kalaallit Nunaanni Pisorsarsimassutsip Illorsua aningaasaqarnermut allaffissornermullu pisortassamik, aningaasaqarneq pillugu nalunaarusiullaqqissumik aammalu sulisoqarnermut tunngasutigut piginaaneqarluartumik, pissarsiorpoq.  

Illorsup pisortaanut toqqaannartumik nalunaaruteqartarlutit pisortatut akisussaaffigissavat aningaasaqarnermut immikkoortortaqarfik ukiumut 35 mill. koruunit missinginik aqutsisoqarfiusoq ilanngullugu taaneqartumut atasumik naatsorsuuseriffiusoq. Taaneqartut saniatigut atorfik Sulisunik isumaginninnermut ikorfartuinermik suliaqarfiuvoq, tassani pineqarlutik aaliangersimasumik Katuami sulisorisat 20-it missingi aamma akunnermusiaqarlutik sulisartut 48-uusut (tassa katillugit inuit 50-it ukioq naallugu sulisitarineqartut nalingat).

Aningaasaqarnermut pisortap pingaarnertut suliassai

Aningaasaqarnermut immikkootortaqarfimmi aqutsineq:

  • Piffissaq eqqorlugu tutsuiginartumik pisortamut siulersuisunullu qaammammut nalunaaruteqartarnissaq
  • Allaffissornikkut atortunik inerisaaqqinnissaq
  • Kukkunersiuisumut kingusinnerpaamik 31. januar ukiumut naatsorsuutinik piarersaassinissaq
  • Ukiup tulliani kingusinnerpaamik 15. november piarersimasussamik missingersuusiorneq
  • Aningaasanik tigussaasunik aqutsineq
  • Immikkortortaqarfinnut ingerlaavartumik siunnersuisarneq, taassuma ataani pilersaarutit aningaasaliiffigisassat aningaasartuutitassaat il.il. ilanngullugit
  • Akiitsunik akiligassanillu ingerlaavartumik isumagisaqarneq

Allaffissornermut pisortap suliassai pingaarnerit: 

  • Sueriaatsinik nutarterisarneq allanngutsaaliuisarnerlu
  • Sulisulerinermi sakkussanik pilersitsillunilu nutarterisarnissaq
  • Sulisorisat pikkorissartarnissaannik ilinniartinneqartarnissaannillu ataqatigiissaarisarneq. Sulisunut quppersakkap naleqqussarnissaanik isumagisaqartarnissaq. Sulisoqarnermut atatillugu allaffissornermi pisortaasut allat ikorfartortarnissaat.
  • Ukiumoortumik sulisunik oqaloqateqartarnerni peqataasarnissaq aammalu pisortaasut aningaasarsiassaaannut atatillugu isumaqatiginninniartarnerni peqataasarnissaq. Kiisalu suliffeqarfiup sillimmasersugaaneranut tunngasunik il.il nakkutiginninneq.
  • Suleqatigiinnnermut-, isumannaallisaanermut,- APV-mullu ataatsimiittaliat ataatsimiitittarnissaat.
  • Katuaq I/S-ip allaffissuutaanera tiisumagisaralugu taassumalu ataani naatsorsuutit kukkunersiuisumullu attaveqarnerit ilanngullugit.

Suliat pisortaq pisortaaqatillu allat qanimut suleqatigalugit isumagineqartassapput.

Pissarsiariniarparput:

Inuk, missingersuusianik malittarinninnermik, aningaasaqarnemut atatillugu nalunaaruteqartarnermik aammalu C5-ersinnaanermik uppernarsaasigaasumik misilittagaqartoq.

Iluaqutaassaaq HD-R-itut cand.merc.aud.-itulluunniit ilinniagaqarsimasuuguit aammalu kalaallit, qallunaat tuluillu oqaasiinik atuisinnaasuullutit.

Piginnaaneqarneq tunngavigalugu aningaasarsiassat aqqinneqassapput. Atorfimmullu atatillugu inissamik innersuussisoqarsinnaavoq.

Inuttaliinnissaq aallartikkumaneqarpoq 1. august 2017-imiit imal. allatut isumaqatigiissutigineqarneq naapertorlugu.

Atorfik inuttassarsiorneqartoq pillugu paasiniaasinnaavutit una iserfigalugu: tassanimi atorfiup ilusaanik aammalu Katuap suuneranik paasissutissiissutit aaneqarsinnaammata.

Soqutiginnittut saaffigisinnaavaat pisortaq Julia Pars uku aqqutigalugit  tlf. 55 36 91 imal. mail: julia@katuaq.gl.

Qinnuteqaatit, ilinniarsimasanut uppernarsaatit allallu pappialat soqutiginaateqarsinnaaasut ilanngullugit pisortamut Julia Pars-imut uunga nassiunneqassapput: julia@katuaq.gl.

Qinnuteqarnissamut ulloq kingulleq tassaavoq 28. maj 2017.

Katuaq pillugu

Katuaq tassaavoq aningaasaateqarfik inuussutissarsiornermik ingerlatsivittut ingerlanneqartoq, Kalaallit Nunaanni Piorsarsimassutsip Illorsua tunngavigalugu kalaallit piosrsarsimassusiannik nunatta iluani nunarsuullu sinneranut nittarsaassiniarluni ingerlatsiniarfiusoq kulturikkut suleqatitullu attavissarsiornerit aqqutigalugit. Katuaq filmertitsisarfeqarpoq sutorniartarfinnguaqarlunilu, aammalu ataatsimiittarfittut/ataatsimeersuartitsisarfittut tallimanik ullorialikkatut ingerlavortaaq. Katuap suleqatigivai peqatigiiffiit assigiinngitsut, suliffeqarfiit, suliniaqatigiiffiit aammalu kulturimut attuumassuteqartunik suliaqartut ataasiakkaat. Katuap tapersiisartorivai Namminersorlutik Oqartussat aamma Kommuneqarfik Sermersooq. Saniatigullu Katuaq arlaqartunik aningaasaliisartoqarportaaq, Kalaallit Nunaat tamakkerlugu kulturikkut aaqqissuussinerit angalatillugit ingerlatinnissaannut tapiissuteqartartunik.