Tiguneqartoq pisortamut toqqaannartumik nalunaaruteqartartuussaaq immikkortortaqarfinnillu pingasunik aqutsisussaalluni makkuninnga pingaarnertut inuttaqartunik: Avammut tusagassiornermik attaveqarnermillu pilersaarutinillu ataqatigiissaarinermik suliaqartoq, pisussanik ataqatigiissaarisartoq, filmertarfimmi pisortaq aamma saaffiginnittarfimmi sulisoq. Immikkoortortaqarfinni taakkunani inuit 16-it missingi sulipput (ataatsimut naatsorsoraanni tamakkiisumik sulisitat 10-t nalingat). 

Pisussanik aaqqissuisartup pingaarnertut suliassai:

  • Ukiumut kulturikkut pisartussanik Nuummut nunattalu sinneranut atuuttussamik
  • Missingersuusiorneq malittarinneqqittarnerlu
  • Pilersaarusiornerni pisortaaneq aqutsinerlu
  • Aningaasassarsiuussisarneq
  • Nalunaaruteqartarneq, kisitsisinnguilluni naatsorsueqqissaartarneq, attavissanik pilersitsisarneq suleqatissarsiornerlu

Ujagarput tassaavoq:

Inuk siumut takorluuisinnaassusilik, aqutsinissamut piginnaaneqarlunilu misilittagaqartoq, avammut attaveqallaqqissuusoq pilersaarusiornernilu pisortaallunilu aqutsisinnaasoq.

Naatsorsuutigaarput pineqartup kalaallit, qallunaat tuluillu oqaasiinik atuisinnaassuussasoq.

Piginnaanerit tunngavigalugit aningaasarsiaqartitsineq ilusilerneqassaaq. 1. august 2017-imiit atorfik inuttalerumaneqarpoq.

Atorfik pillugu sukumiinerusumik nassuiaat uani aajuk.

Soqutiginnittut saaffigisinnaavaat pisortaq Julia Pars oqarasuaat 55 36 91 imal. mailadressi: julia@katuaq.gl aqqutigalugit.

Qinnuteqaat, piginnaaneqarfigisat pillugit paasissutissat allatullu takutitassaqqissuusinnaasut ilanngullugit uunga nassiunneqassapput: Aningaasaqarnermut allaffissornermullu pisortaq Maiken Nordbo allaffigalugu uunga: maiken@katuaq.gl.

Qinnuteqarnissamut ulloq kingulleq tassaavoq 21. maj 2017.
 

Katuaq pillugu

Katuaq tassaavoq aningaasaateqarfik inuussutissarsiortutut ingerlasoq, Kalaallit Nunaata Piorsarsimassutsikkut Illorsua aallaavigalugu piorsarsimassutsitsinnik nunatsinnut nunarsuullu sinneranut nittarsaassisoq attavilesorlunilu suleqatissarsiornikkut. Katuaq filmertitsisarfeqarpoq aammalu sutorniartarfeqarluni, aamma ataatsimiittarfittut/ataatsimeersuartarfittut tallimanik ullorialigaalluni ingerlatsiviuvoq. Katuamut tapiissuteqartartuusut tassaapput Kalaallit Nunaanni Namminersorlutik Oqartussat aamma Kommuneqarfik Sermersooq. Taaneqartullu saniatigut Katuaq arlaqartunik aningaasaliisartoqarpoq, Kalaallit Nunarput tamakkerlugu piorsarsimassutsimut attuumassuteqartunik assigiinngitsunik aaqqissukkanut tapersersuisartunik.