Aaqqissuussaq taamaatsereerpoq

Nipilersortartoq Frederik Elsner ukiuni arlaqalersuni nunatsinni nunanilu allani nipilersortareerluni nammineq misilittakkaminik eqqarsaatiminillu annissivoq. Ilaatigut nipilersorneq tassaavoq inunnik katersortitsisinnaasoq kulturit kinnaassutsillu akimorlugit. Ukiunilu arlaqalersuni Frederiup nipilersoqatigiit Nanook peqatigalugit tusarnaartitsisarsimavoq nunarput tamakkerlugu, Danmark-imi, Nunani avannarlerni USA-milu angalaqatigisarlugit.

Kisimiilluni saqqummiussaq

Sumiiffimmini tamani Nanook-ip nipilersugaani oqaatsit atukkat soqutigineqarnerat annertuumik malugisarsimavaa. Tamannalu Frederiup maluginiarluarsimavaa maannalu tunuarsimaarfigiunnaarlugu kisimiilluni saqqummiussinissaq aaliangiussimallugu, taallugu F. Immiussinini ingerlassimavaa nunani avannarlerni nipilersortartut, immikkut tamarmik nipilersukkanut malunnaatilimmik tunniussisussat, suleqatigalugit.  

Frederip maanna nipilersukkanut tunngavissat oqariartuutigisassatullu isummersuutit inississimalerpai, ammatitsillunili aamma nipilersoqataasussat kinaasutsiminnik ”qalipaasersueqataanissaa”. Ukiut 2-3-t kingulliit kisimiilluni immiussassani suliarerujoorsimavai tamakkiisumik pilersaarummik niaqorsuutigisimallugit.  

Nunani avannarlerni suleqatigiinneq

Frederiup ersersillugu qitiutikkusuppaa ataatsimoorneq, aammalu Nunat Avannarliit peqatigalugit nukittoqutigut nipilersornerlu atorlugu nukittoqutaasut uummarissarlugillu kinaassuseqalersikkumallugit. Qitiussappulli kalaallit oqaatsivut, nipilersugartaali nunat avannarlermiorpalaartuussallutik aammalu nunat avannarliit killermiorpalaartuussallutik, tassani eqqarsaatigalugit Island, Savalimmiut Sverigelu.     

F-ip – Avannaanut angalanissaa

Nuuk – Katuaq 25.februar

Sisimiut – Taseralik 28.februar

Ilulissat – Hotel Arctic 2.marts

Nipilersortut

Frederik Elsner, erinarsorlunilu guitarertoq

Høgni Lisberg, Tumerparpaartoq

Mikael Blak, Bas

Hallur Jonsson, Pattattoq

Allan Tausen, Guitari

Aningaasaliisut: