Ullut

Sumi: Hans Lynge Sal
Ulloq:
Pisigit

Nipilersoqatiigiit  – Ensemple Seriusimi Århusimi angerlarsimaffeqartuusut – inuit 5-iupput Danmarkimit, Savalimmiunit, Sverigemit Tysklandimiillu aggersuusut. Nutaaliaasunik nipilersukkanik soqutigisaqatigiinnertik aallavigalugu ataatsimuulersimapput imartuumik aaqqissugaasunik nipilersortarlutik.

Tamarmik nipilersuutiminnik atuinissamut pikkorilluinnartuupput, makkuusut tunngavigalugit: Qarlortaat, saxofon, kontrabas, pattagiaq aammalu nipilersornermi ”tillernilersuutit”. Nipilersuutit taaneqartut atorlugit nalinginnaasuunngitsumik, nutaaliaasumillu nipilersoqatigiittarput. Taamatut iliorlutik nipilersoqatigiittut tallimaasartut nutaaliorumanerminnik malunnartitsillutik saqqummiussisarput.

Ensemble Sirius Nunani Avannarlerni pinngortitat ingerlanniakkaminnik qitiutippaat peqqutigalugu nunarsuup avanaata tungaani pinngortitat avataangiiserineqartut nunat pineqartut piorsarsimassutsikkut tunngaviinut annertuumik sunniuteqartuummata. 

Nunani Avannarlerni erinniortut assigiinngitsut assigiissuteqarpat?

Tallimaallutik nipilersoqatigiit Nunani Avannarlerni erinniortut assigiinngitsut arfinillit saaffigisimavaat pinngortitat avatangiisitik aallaavigalugit nutaanik nipilersugassanik erinnioqqullugit. Nipilersugassiallu immikkut tamarmik minutsit qulit missinginik takissuseqarput. Erinniat assigiissuseqassanerlutik, tamarmimmi Nunanit Avannarlerneersuugamik? Tusarnaartitsinerit tamanna paasinarsitikkumaarpaat.

Nipilersuutinik katiterineq immikkuullarissoq aamma erinniortunut nalinginnaasuunngitsumik periarfissarpassuaqalersitsivoq, akuleriissitsisinnaanerit siammasinnerulernerisigut.

Erinniortuusimasut tusarnaartitsinerit ingerlanerini videoukkut peqataasassapput taamallu aamma tusarnaartunut nipilersugassiaat uumassuseqarnerulersinneqassallutik.

Ensemble Siriusip kissaatigivaa Nunani Avannarlerni nipilersoriaatsit iluini nutaaliortuunissaq.

Nipilersoqatigiit angorusutaanni takorluugaannilu qitiutinneqarpoq maanna siunissamilu nipilersoriaatsinik ineriartortitsillunilu takutitsisarnissaq, sumiiffinni najugaqartuusut nuannaarutigisinnaasaannik.  

Ensemble Siriusimillu siunertaavoq Nunani Avannarlerni kulturimik pilersitsinissaq, misigissutsikkut ataatsimoornermik misigisitsisinnaasumik, aammalu tusarnaartut, erinniortut nipilersortuusullu akornanni attaveqalersitsisinnaasumik.

Ensemble Sirius ilisaritsinnera:
https://www.youtube.com/watch?v=1qg9mv-7z7I

Aamma takuuk: www.ensemblesirius.com