Ullut

Sumi: Paarlersuaq
Ulloq:
Pisigit

  

Skizo

Ian Aqqalunnguaq Josefsen ”I.A.J” underground rapper, 2010-mi rappertalerniakujuttalersimavoq ullorlu manna tikillugu suli taalliortarluni. NUIFimi Manhattanimilu appisimaareernikuuvoq, siornalu Katuami ”Ukioq Manna Tusarnaartitsineq Kingullermi” Da Bartali Crew aamma Coke peqatigalugu tusarnaartitseqataalluni.
Kuka Kristiansen ”Coke” undergroud rapper, 2013-imi rapperluni immiussisalerpoq, NUIFimi, Manhattanimi Katuamilu appisimaareernikuuvoq, siunissami saqqummersitsinissaq takorloorpaa.
I.A.J & Coke marluullutik immiusseqatigiillattaasarput ataatsimullu imminnut taasarlutik Skizo, taakkualu uani tusaaneqarsinnaapput: www.soundcloud.com/ian-josefsen

    

    

John Olsen

John Olsen Nuuk Posse aqqutigalugu Kalaallit Nunaanni rappertartut nalunnginneqarluartut siulliit ilagaat. Kingorna Nuuk Posse saqqummersitsillattaasarnikuupput, 1992-imi single siulleq ”Sussa Appinnagu”, 1995-imi nuusiaat siulleq ”NP” kingullertullu 1996-imi ”Kaataq” Belgiami immiussisarfik Sub Rosa aqqutigalugu saqqummersillugu.
John Olsen nammineernerulluni 2001-imi Henrik Broberg producereralugu saqqummersippaa ”Zero One”, kingornalu Festivalini arlalinni tusarnaartitsissutigisarsimallugu.
Katuami Nuuk Urbanimi tusarnaartitsinissaminut ”Zero One” aallaavigissavaa, tassanilu kammani Nuuk Possemi peqatigisartakkani Anda Højgaard aamma Thomas Hansen qaqeqatigissallunigit.

    

Taatsi Højgaard

Taatsi Højgaard ”SWEP”, Prussicimi peqataanermini nalunnginneqarlualernikuuvoq. Ullumikkut Taatsi 29-nik ukioqarpoq Ilimmarfimmilu nutserisisutut atuarluni. 2002-mi rappertalerpoq Prussicilu eqqaassanngikkaanni nammineq suliaminik immiussisarluni saqqummersitsillattaasarnikuuvoq, 2013-imi ”Taatsers - Playi tooruk!” taavalu undergroundimik suliai assigiinngitsut www.soundcloud.com/taatsi aqqutigalugu saqqummersittarsimallugit.
Ulluni makkunani Uyarakq suleqatigalugu saqqummersitsinissap tullia digitalikkut saqqummertussaq ingerlappaat. Immiussat nutaat tunngavigalugit marsip 23-ani Københavnimi tusarnaartitsillutik saqqummertussat tullii siullerpaamik tusaateqqaarpaat, siunertaavorlu ukioq manna immiussaat saqqummissasut. Saqqummertussaq Taatsip suliarinikuusaanut allanut assingussuteqanngiivittuussaaq, taannalu Kalaallit Nunaanni siullerpaamik tusaateqqaassallugu Katuami Nuuk Urbanimi tusarnaartitsileruni.

    

Josef Tarrak Petrussen

Josef Tarrak Petrussen 18-inik ukioqarpoq, Nanortalimmi inunngorpoq, sineriammilu illoqarfinni assigiinngitsuni peroriartorluni, rappertalerlunilu 2015-imi. Ukioq kingulleq nuusiani siulleq ”fxgxs” assut tigulluarneqaqisoq saqqummersippaa, assullu inunnit assigiinngitsorpassuarnit tigulluarneqarlunilu eqqartorneqarluni. Nunatsinni Danmarkimilu tusagassiortut assut soqutiginnillutik tulleriillutik eqqartoqattaarpaat, soqutigalugu taallaasa oqariartuutaat toqqaannartorujussuunerat, taakkunani danskit kalaallinut isiginnittariaasaat taallani arlalinni qitiunerulluni.
Maannakkut assigiinngitsunik suliaqartarpoq saaffigineqaraangamilu sineriammut nunattalu avataanut Uyarakq peqatigalugu tusarnaartitsillattaalluni.
Immiussai iTunesimi aamma Soundcloudimi tusaaneqarsinnaapput: www.soundcloud.com/j-t-p-gl

Paasissutissat

Tusarnaartitsineq: apriilip 28-at 2017, nal. 17:00-18:00
Matut ammassapput 16:30
Akia: 50 kr.

Appittussat tulleriiaarneri: I.A.J & Coke, John Olsen, Taatsi Højgaard kingullertullu Josef Tarrak.
Tusarnaartitsineq tamaat Uyarakq DJ-iussaaq.