Ullut

Sumi: Paarlersuaq
Ulloq:
Pisigit

Olsen Kids qatanngutigiiupput pingasut tassaasut Ikiuna K. Olsen taavalu marlulissat Kuutak K. Olsen aamma Ivaana K. Olsen.

Katillugit CD-nik tallimanik saqqummersitsinikuupput, siulleq 2001-imi saqqummerluni. Taamani angajulleq aqqanilinnik ukioqarpoq, marlulissallu qulingiluaannarnik ukioqarlutik. CD-it siulliit marluk ”Anikamut” aamma “Askepot” tamarmik guldinnannikuupput, maannamullu CD-it 15.000 missaat tunineqarnikuullutik. Nuannarineqarnerpaattut uku taaneqarsinnaapput: Anika, Tallimanngorneq Ullaakkut (godmorgen godmorgen), Mamaliina, Askepot, Nerereerutta Video, 101 dalmatinere, Sukkulaaq Qaqortoq aamma Tungusunnitsoq.

Nunatta kangia minillugu nunarput tamangajavissuat tusarnaartitsiartorfigalugu angalaffiginikuuaat, taassuma saniatigullu Savalimmiuniinni aammalu Canadami, Nunavimmi illoqarfiit sisamat tusarnaartitsiviginikuullugit.

Olsen Kidsikkut nipilersortui tassaapput:
Julius Larsen, tumerparpaartoq
Nukannguaq Sandgreen, qatitoortoq
Hans Lars Fleischer, kitaarertoq & pattattoq
Marius Sandgreen, pattattoq
Aviaq Grønvold, tulleertoq

   

Paasissutissat:
Matut ammassapput: nal. 16:45
Tusarnaartitsineq aallartissaaq: nal. 17:15
Tamanut akia: 50 kr.