Aaqqissuussaq taamaatsereerpoq

Nappaatit soorlu Parkinson, nikallungarujussuarneq ataavartumillu anniaateqarneq ullumikkut taamatut nappaatillit qarasaasigut pilattaanikkut katsorsarneqarsinnaapput, tassani elektrodit qaratsami sianiutit pingaarnersaqarfiannut ikkussuunneqartarput.

Tassani sarfap sakkukitsunnguup sianiutit aqqutaanni suliat napparsimalersitsisartut iluarsartuuttarpai aamma ”qaratsap avinneqarneranut” allaanerulluni taamatut sianiutinik passussineq sianiutit ameraasaannik innarliineq ajorpoq.

Parkinsonimut, noqartarnermut, ataavartumik anniaateqarnermut, quiniarnikkut ajornartorsiuteqarnermut, neriumajunnaartarnermut ingasattumillu pualanermut `qaratsakkut itisuumik sunnerneqarnikkut´ sianiutinik ilisimatusarnermi angusat neriunaateqarput aamma tamakku uumasunut misiligutigineqarsimapput ilaatigullu aamma napparsimasunut misiligutigineqarsimallutik. Ilisimatusartut uumasutut sianiutinik pilattaalluni misileraatitut puulikiaqqat atortarpaat, puulikimmi tamakku qarasaat angisuut inunnut atugassanik qaratsamik elekrodinik sunniissutinik pilattaalluni ikkussuiffigineqarsinnaammata.

Sianiutinik pilattaasartut aamma ataavatumik anniaateqarlutik napparsimasunut pilattaalluni katsorsaasarnerit ineriartorteqqitat atuuttussanngortissimavaat: Tamatumani sianiutit aqqutaat qiteqakkut sunnerneqartarput. Annikitsunnguamik pilattaanikkut qiteqqap aqqutaanut elektrodi ilineqassaaq aammalu uummatip tillinneranut iluaqummut tillertitsissummut aamma sarfamik annikitsunnguamik nassiussuisumut pacemakeritut ittumut atassutilimmut ammip ataanut inissinneqartumut inissinneqartarpoq.

Nutaarluinnartut sianiutinik pilattaasartut niaqorlorujussuarnermik Hortons hovedpinemut pukutsumut elektrodit pilattaanikkut ikkunneqartalerput, tamatumani napparsimasut katsorsaaneq Ipodimi appikkut aqusinnaavaat.

Pinngortitaleriffik aamma Aarhus Universitet pinngortitalerinermi oqalugiaatini tamanut ammasuni oqalugiaammik nutaamik saqqummiussisussanngorput. Oqalugiarnermik aallarniissaaq Pinngortitaleriffimmeersoq Mie Winding oqalugiarnerullu qeqqata missaani kaffisuunnertalimmik unillatsiartoqassaaq. Oqalugiartup Aarhus Universitetimi oqalugiarneranit video immiussaq takutinneqassaaq. Danskisut oqalugiartoqassaaq. Iserneq akeqanngilaq.