Ullut

Sumi: Paarlersuaq
Ulloq:
Akeqanngilaq

Meeqqat Ulluat kammalaatitit ilaquttatsillu ilagalugit Katuami nalliuttorsiuutigigipput peqataagitsi. Assigiinngitsunik illup iluani silataanilu pisoqassooq. Ikioq manna temavooq: "Ataatsimoorta".

9:00                                                  Matut ammassapput

9:30                                                  Aliikkusersuineq: Babybandet – Nuunuaqqat ulluat

12:00                                               Ammaanermi oqalugiaat – NAKUUSA

12:15 – 12:55                                Aliikkusersuineq: Børnebanditterne - Pinnguartarfimmi

14:00-16:00                                   Qatserisartut biilii Katuap saavani

15:00-15:40                                   Klovneshow

16:00                                               Arpanneq – NASP, 1,5 KM


Ulloq aallarnerlugu meeqqanut mikinernut meeraaqqerivimmiut børnehavemiittunullu balloninik agguaasoqassallunilu aliikkusersuisoqassaaq. Aliikkusersuisussat Babybandet takutissavaat Babydag/Nuunup ullua, nassuiaataa kanani atuarsinnaavat. Klovnit, Disneymi inuttai Kammak Bamselu naapinneqarsinnaajumaarput. Meeqqanut romkuglit, naatitat imerlu Katuap paarlersuani sassaalliutigineqassapput. 

Aaqqissuussaq NAKUUSAmiit ammarneqarluni oqalugiartoqassaaq. Aliikkusersueqqissappullu Babybandet taakkulu takutissavaat Børnebanditterne på Legepladsen/Pinnguartarfimmi, nassuiaataa ataani atuaruk. Qatserisartut biiliini misilillugu issiasinnaavutit Katuap silataani nal. 14.00-16.00 ungaanut. Klovnit nal. 15.00 aliikkusersuissapput.

Nal. 16.00 NASP peqatigalugu paasisassarsiorlutit arpaqataasinnaavutit, tamanna takissuseqassaaq 1,5 km katuap silataaniit aallartissalluni.
Aammattaaq misilissinnaavatit kiinnakkut qalipatsinneq, pississaarfissuarmi pississaarneq, ataatsimut qalipaaqatigiinneq, Kammak Bamse, Disney-p inuttai aammalu klovnit naapinneqarsinnaajumaarput. Meeqqat romkuglenik, naatitanik imermillu sassaallerfigineqassapput, meeqqanullu mikinernut balloninik agguaasoqassalluni.



Babybandet – Nuunuaqqat ulluat, nal. 9.30 
Meeqqanut minnerpaanut nipilersortartut? Taamaattoqarsinnaagami? Aap! Babybandet meeqqanut minnerpaanut naleqqussagaasumik nipilersortartuupput, nipilersorfigisarlugillu meeraaqqat pisulerlaat sulilu pisulersimanngitsut. Erinarsuutit timip aalatinnissaanut naleqqussagaasuupput, angerlarsimaffimmi nangilersuitillunilu atorneqarsinnaasunngorlugit. 

Babybandimiittullu aaliangersimapput Danmarkimi angerlarsimaffiit tamaasa ”iserterfigiumallugit”, tassanilu minnerpaat saaffiginiaqqaarniarlugit.

Erinarsuutit meeraaqqap ulluanut tunngasuupput – ullaakkut makitinneqaqqaarneraniit, nangilersorneqarnera, qasuersaartinneqarnera, nerisinneqarnera, kigutinik saliineq aqqusaarligit innartinneqarnera tikillugu. 

Erinnat Babybandet-imi Luise Føns-imit aamma Anders Haaber-imit pilersinneqarsimapput, erinnat suliarisaalluartut minnerpaanut naleqqussagaasut – tassani meeraaqqat misigissutsikkut ineriartornerat uummarissarneqarlun,i aalarusulersitsisarneq aqqutigalugu.  

Taamaattumik Babybandet-imit tusarnaartitsigaangamik pingaartinneqartarpoq angajoqqaat nipilersuutinik angerlaassillutik nangitsisarnissaat meeqqatik erinarsoqatigalugit takkulu aqqutigalugit misigissutsiminnik takutitsilersinnaanissat angujumallugu.

Babybandet – Børnebanditterne pinnguartarfimmi, nal. 12.15

Børnebanditterne ukiut ingerlanerini 150-init amerlanerusunik tusarnaartitsisarsimapput. Piaaralutik nipilersoriaatsit siammasissorujussuit tunngavigisarpaat, pingaartitarivaallu nikerartumik nipilersornissaq pissusilersortarnissarlu. Taamammi iliornermikkut isumannaartarpaat meeqqat inersimasullu tusarnaaraangamik tamaasa nuannersunik angerlaassassaqartarnissaat, taasariaqarporlu taallat erinnallu tamarmik Børnebandit-imit imminermit pilersitaammata.

Nipilersukkat aqqutigalugit meeqqat qulequttat ulluinnarpalaartut ilikkartarpaat, soorlu ikinngutigiinnermut, ataatsimooqatigiinnermut maleruagassanut misigissutsinullu tunngasut. Nipilersornermi matuersaataavoq, ilutsinni misigissutsitsinnik ammaassisartoq taamallu ineriartortinneqartarluni misigissutsitta timerput aqqutigalugu takutinneqarnissaa.

Børnebanditterne tusarnaartitsisarput siunertaralugu piorsarsimassutsip meeqqanut attuumanerata, peqataajumassutsip ilinniarnissarlu pingaaruteqartuuneri qitiutillugit.

Takunissarsi qilanaaralugu.


Aningaasaliisut
Kommuneqarfik Sermersooq, Pisiffik, NAKUUSA, KK engros, Qatserisartut, Nanubørn, Piorsaavik, STARK, NASP, MIO, HECA, Arctic Import, Red Barnet & Naalakkersuisut