Ullut

Sumi: Hans Lynge Sal
Ulloq:
Pisigit

Brian Lykke TV2-mi isiginnaagassiami ”Live fra Bremen”-imi immikkuullarissumik quianassutsi aammalu DR2-mi ”Krysters Kartel”-imi ilaasarnanini  ilisimaneqaatigivai. Saniatigullu meeqqanut isiginnaagassiami  Onkel Reje-mi assiiinngitsorpaasuartigut peqataasarsimavoq P3-milu aammalu Radio24syv-imi quianartunik aallakaatitassiortarsimalluni.  

Brian Lykke kisimiilluni quiasaarisarnerminit tamatiguussuseq atorlugu nikerarluartunik, naatsorsuutigiuminaatsunik, uummaarissunik pitsaalluinnartunik misigisaqartitsillunilu isiginnaartitsisarpoq, qitiutillugit quiatsannartut aammalu immikkuullarissutsinut tappissuunini namminerlu ulluinnarni aqqusaartakkani atorluartarlugit. Taamak ililluni illartitsiinnarnani aammali inuppassuit ilisarsitillugit alutorsartittarpai.   

Brian Lykke 2006-imili, DR2-mi ”Trio Van Gogh”-imili isiginnaartisiossusiatut nersornaaserneqarnikuusumi peqataasarnermigut Qallunaat Nunaanni quiasaarisartut akornanni ilisarisimaneqarnerusut akornanniilersimavoq.  DR2-mi ”Krysters Karten”-imi 2010-mi TV-kkoortartut akornanni nersornaaserneqarnikuusumi pingaaruteqarluinnartutut ingerlatseqataasimavoq kingornalu TV-kkut isiginnaagassiani, filmini minnerunngitsumillu ”Live Fra Bremen” TV2-mi ukiut tallimat ingerlasimasumi peqataasarnermigut, Brian assigiinngitsorpassuarnik inuttaaffeqarluni ilisarisimaneqalersimavoq Qallunaat Nunaanni sumiuussutsit, nipit pissusilersornerillu aqqutigalugit isiginnaartitsillaqqissutut.  Kiisalu meeqqat nuannarilluagaanni DR Ramasjang-ikkut aallakaatinneqartartumi ”Onkel Reje”-mi peqataasarsimavoq. Kiisalu Brian Lykke titartakkatut isiginaagassiani arlaqartuni, TV-koorusiani nangeqataartuni aammalu ussassaarusiani tunuliaqutaasarluni nipitalersueqataasarsimavoq.

Kisiannili Brian Lykke isiginnaarutaannartigut quiasaarisartuunngilaq. 2012-imi Krysters Kartel-imi peqatini ilagalugit angalaarluni aliikkusersueqataavoq aliikkusersuusiami ”Så Hakker Spætten”-imik taasami, 2014-imilu siullermeerluni kisimiilluni quiasaarisaqattaarluni angalavoq taasaminik COMEDY NITE. Taannalu 2015-imi nangippaa, Danmarki tamakkerlugu angalagami Den Lalleglade Brigade aamma Kasper Grossd peqatigalugit.

    

Kasper Nielsen (Go Aften Danmark, Radio 24Syv, Live fra Bremen, Hotel Zimmerfrei, Zulu Comedy Galla, Flemmings Helte il.il.) tassaavoq qallunaaq isiginnaartitsisartoq aammalu isiginnaartitsiitigaluni nassaarsiornissamik ilinniartitsisartoq. Suliffigivai quiasaaraluni isiginnaartitsisarfiit, TV, Radio minnerunngitsumillu ilinniartitsisarneq isiginnaartitsivinni aamma ingerlattarlugu.  

2016-ip ukiaagaali Kasper Go` Aften Danmark-imi biilertartutut Leo-tut peqataasarpoq. 2016-imilu Kasper-ip Radio 24syv aamma Brian Lykkep isiginnaartitsissusiaa suleqatigalugit isiginnaartitsissut ”Københavnermodellen” ineriartortippaa. Tassani taaneqartut peqatigalugit isiginnaartitsissusiassap tunngavissaa allaqataaffigaa, isiginnaartitsissusiarlu piviusumut ima qanitsigaaq inuppassuit isumaqartarlutik pivisusuminngaanneersuusoq. 

Kaspers Nielsen isiginnaartitseriaatsimigut takutitsisarnermigullu tamatigoortuuvoq. Takutitassaminik ingerlatsigaangami tunniusimalluinnartuusarpoq pikkoriffigalugulu quianartunik persuarsiornartunillu akuleriissitsisinnaaneq.

Kasper Nielsen-ip ingerlatamini aallavigivai amerikamiut pilersinnikuusaat allatanik tunngavilersornani takutitsisarneq aammalu impro Comedy-mik taaneqartartoq. 2007-imilumi Amerikami atuarfimmi ilinniartuunikuuvoq.

Ukiuni kingulliunerusuni Kasper annertuumik kisimiilluni quiasaarisartuuvoq aammalu piareersakkanik piareersagaanngitsunillu akulerissitsilluni isiginnartitsisarluni.

Kasper Comedy Zoo København-imi ataasinngornerit tamaasa takutinneqartartumi ingerlatsisuusarpoq. Tassanilu quiasaarisartut ilisarisimaneqarluartut peqataanissamut aggersartarpai.