Børnefilmklubben
Meeqqat filmklubbiat meeqqanut inuusuttuaqqanullu 18-it tikillugit ukiulinnut neqeroorutaavoq.
Filmit takussagukkit filmklubbimut ilaasortaanissat piumasaqaataavoq, kisianni inersimasoq filmeriaqatigisat filmklubbimut ilaasortaasariaqanngilaq. Sæsonikkaartumik ilaasortanngornissamut immersuisoqarsinnaavoq. Ilaasortaanermut akiliut 10 kruuneqarpoq. Sukkulluunniit Katuap saaffiginnittarfianut saaffiginnillutit ilaasortanngorsinnaavutit, tassanilu ilaasortaanermut allagartamik tunineqassaatit, ilaasortaanermullu allagartat Meeqqat Filmklubbiata filmigassaataanut billetisileraangavit takutittassavat.
Meeqqat Filmklubbiat Kommuneqarfik Sermersuup Katuallu suleqatigiillutik sunngiffimmi neqeroorutitut pilersitaraat.
