Aningaasaliisut
Kulturi tassaavoq inunnut Kalaallit Nunaannukarusulersitsisut Kalaallit Nunaannullu tunngasumik ilikkagaqarusulersitsisut pingaarnerpaat ilaat, kulturilu tassaavoq Kalaallit Nunaata inuussutissarsiornerup, politikkip, ilinniartitaanerup il. il. soqutiginnittaannut soqutiginarsaatigineqarsinnaasut ilaat, Kalaallit Nunaata nunanut allanut naleqqiulluni kajuminnassusaata asseqannginneratalu maluginiarneqaatigilersinnaasai. Taamaasilluni kulturip ineriartortinnissaa sukataarfigineqaruni aningaasaliiffigineqarlunilu, taava inuiaqatigiinni allamut saatitsinissamut sunniutaasinnaasut amerlaqaat. Kulturi inuiaqatigiinni nalilinnik toqqaannartumik toqqaannanngitsumillu pilersitsisarpoq. Taamaattumik aamma isumassarsiatsialaavoq kulturip aningaasaliiffigineqarnissaa.
Katuaq marlunnik aningaasaliisoqarpoq, taakkualu tassaapput Kalaallit Nunaanni Namminersorlutik Oqartussat aamma Kommuneqarfik Sermersooq. Taakkua saniatigut Katuaq arlalinnik aningaasaliisunik suleqateqarpoq.
Katuap pingaarnertut aningaasaliisuisa allattorsimaffiat:
- Qilaat sponsor
Grønlandsbanken
- Ulu sponsor
Brugseni, Permagreen A/S, Royal Arctic Line, Bank Nordik, Tele-Post, Air Greenland
- Aningaasaliisoq alla/ Også støttet fra/ Also supported ny:
NAPA
Aningaasaliisumut ataatsimut suli inissaqarpoq. Katuap imaluunniit kulturikkut aaqqissuussinerit ataatsimut isigalugit aningaasaliiffiginissaannut periarfissaq pillugu paasissutissanik pissarserusukkuit, taava ceo@katuaq.gl attavigissavat.
