Katuap Aningaasaliinermut Politikkia
Katuap takorluugaa tassaavoq: Kulturip inuit nukittorsartarpai, takorluugarput taanna aqqutigalugu kissaatigaarput, inuit taamaasillutalu inuiaqatigiit nukittorsarnissaat. Katuap Kalaallit Nunaata Kulturikkut Illorsuartut kulturikkut misigisat siammarternerisigut inuiaqatigiit kalaallit ikorfartornissai kissaatigaa.
Ikorfartuut
Katuaq Katuami kulturikkut misigisatigut kulturimik ikorfartuivoq. Tamanna Katuap nammineerluni aaqqissuussaanut akikilliliinikkut imaluunniit billetinik akeqanngitsumik, imaluunniit Katuamit tunissutissanut koortinik tunisinikkut pisarpoq.
Katuaq aningaasanik toqqaannartumik tunniussilluni ikorfartuineq ajorpoq.
Qinnuteqartut aamma nalilersuineq
Katuami qinnuteqaatit piumasaqaatit assigiinngitsut aallavigalugit nalilersorneqartarput.
- Iliuutsinut kulturikkut sammisaqartitsinerit aqqutigalugit inunnik nukittorsaanerit pingaarnerutinneqartarput.
- Suliniutit kulturimik siunertaqartut pingaarnerutinneqartarput.
- Meeqqanut inuusuttuaqqanullu sullissiviit pingaarnerutinneqartarput.
- Utoqqaat pingaarnerutinneqartarput.
Katuap makku naliginnaasumik tapiiffigineqa ajorpa: qinnuteqaatit iluanaarniutaasut, upperisamut politikkimulluunniit tunngasut. Katuaq angalanernut tapiiffiginninneq ajorpoq, soorlu assersuutigalugu atuartut paasisassarsiorlutik angalanerinut.
Qinnuteqarnermut killissarititaasoq
Katuap ukiumut marloriarluni qinnuteqaatit suliarisarpai, qinnuteqarnissamut killissarititaasut tassaapput 1. februar, 1. maj, 1. august & 1. november.
- Katuap qinnuteqaatit immini suliarisarpai.
- Qinnuteqartup qinnuteqarnissamut ullussarititaasoq sapaatip akunnerata ataatsip qaangiunnerani akineqartarput.
