Ornikkuminarsarneq
Nuannaarutigeqaarput kulturikkut illorsuarmut timikkut allatigulluunniit aporfeqaraluartunut inissaqartitsisumut tikilluaqqusinnaagatsigit. Sapinngisarput tamaat avatangiiseqarumavugut tamat ilorrisimaarfigisinnaasaannik, pingaartillugu timikkut atukkatigut killeqartumik inissisimagaluartunut.
Isiginnaariartutsinnut ilorrisimaarnarnerpaamik misigisaqartitsiumalluta ornikkuminarsarsimavugut imatut aaqissuinitsigut:
- Innarluutilinnut perusuersartarfiit: Katuaq innarluutilinnut perusuersartarfeqarpoq sapinngisamik ilorrisimaarnartumik aporfeqanngitsumillu atorneqarsinnaaneranik aaqqissuussamik.
- Matut nammineq ammartartut: Isaariaq pingaarneq ajornanngitsumik Katuamut iseruminarsagaavoq qamutinut atuisunut ajornanngitsumik isernissamut tulluarsagaasunik imaluunniit pitsorluttunut aalassarluttunulluunniit atoruminarsagaasumik.
- Isaariavut majuartarfeqarput qamutinut tulluarsakkanik illumullu iseruminartunngortitsisunik.
- Isaariap nalaani ataatsimiittarfiit: Pulaartunut isiginnaariartuvullu ataatsimiinnernut aaqqissuussinernullu peqataasinnaapput tummeqqat majuartaatillu eqqarsaatiginnguarnagit.
- Uummammut aallartitsissut ikiueqqaarnermullu atortut: Sillimaniarneq pingaartitaraarput illumut atuisutsinnut sulisutsinnut tamanut atuuttumik. Illumi uummammut aallartitsissummik aammalu ikiueqqaarnermut atortunik peqarpugut qulakkeerumallugu ikiueqqaarneq pitsaanerpaaq toqqissisimaffigineqassasoq.
- Biilinik uninngavik akeqanngitsoq: Katuap tunuani biilinut unittarfeqarpoq akileeqqaarnani atorneqarsinnaasoq.
- Illup ilua silaannarissoq: Katuami illorsuup iluani init tamaasa isersimaffiuminartuunissai pingaartinneqarpoq. Atuisutsinnut tamanut isersimaffiuminartuunissaa pingaartipparput.
Tulluusimaarutigeqaarput kulturikkut illorsuaqaratta ornikkuminartumik. Nunaqavissuuguit imaluunniit takornariaaguit Katuamut isertutut nalunngissavat qulakkeerumasuaratsigu nuannersumik misigisaqarnissat toqqissisimanartunillu atugaqarnissat.
