Eqqumiitsuliortunut paasissutissat
Katuami saqqummersitserusukkuit qinnuteqaammik nassiussisinnaavutit. Aallaqqaasiullugu pisariaqartippagut pilersaarutip nassuiarneqarnera naatsumik oqaasertalik aammalu assinik suliarisimasarnik takusaqarnissarput. Taamaalillutik Katuami saqqummersitsinissanut aaliagiisartut nalilersorsinnaassavaat, Katuami piumasaqaataasunut naapertuunnersut. Katuap pingaartippaa eqqumiitsuliat allallu saqqummersinneqartartut suliaalluarnissaai aammalu Kalaallit Nunaanniit, Nunani Avannarlerniit, Nunanilu allaniit assigiinngiiaartunik saqqummersitsisarnissaq.
Aasaanerani saqqummersitsineq tassaavoq Katuap ukiumoortumik saqummersitsinera, eqqumiitsuliortunut Kalaallit Nunaanneersunut inniminnigaq. Aasaanerani saqqummersitsinikkut Katuap kalaallit eqqumiitsuliaannik eqqumiitsulianillu Kalaallit Nunaanni sananeqarsimasunik pitsaanerpaanik saqqummersitsineq aqqutigalugu nittarsaassisarpoq. Aasaanerani saqqummersitsinerit annertujaarsuusarput, paarlersuaq iikkallu inersuaaqqap tunuaniittut tamangajaasa ulikkaarsimasarlugit. Katuap saqqummersitassat tunngaviusumik pitsaanerpaajutinniarneqartarput kingumut qiviarnerusinnaallutillu saqqummersitsinerusarput saqqummersitanik tuniniaaviusinnaasut.
Katuaq nammineq saqqummersitsinerit assingiingissusaat aalajangertarpai, eqqumiitsuliorneq nunatsinniit, nunat avannarlerniit, nunarsuarmiillu oqimaaqatigiinnerat ujartorusullugu. Saqqummersitsinermut qinnuteqaat uunga nassiunneqarsinnaavoq: eventmanager@katuaq.gl . Saqqummersitsinermut ataatsimiitsitaliaq alajangertarpaa saqqummersitsineq Katuap pitsaassutsimut assingiingisusermullu anguniagaanut tulluarnersoq, tamannalu tunngavigalugu saqqummersitsineq akuerineqarsinnaanersoq.
Katuaq innersuussisarpoq eqqumiitsuliortunut kiisalu isiginnaartitsisartunut fonde-inut aamma qinnuteqarfiusinnaasunut allanut. Ataatungaani toqqaannartumik links-it qinnuteqarfissanut iserfigineqarsinnaapput, taakkualu sualummik NAPA'p nittartangaa har attuumassutilinnik links-inik peqartarpoq. Taamaammat innersuunneqarsinnaavoq alakkarneqarnissaa.
Grønlands Selvstyrets tilskudsordninger
