Atortorissaarutit

Katuaq saqqummersitanut, Inersuaaqqap saavani, tunuani paarlersuarmilu kvadratmeterit arlerlugit inissaqarpoq. Saqqummersitsinerni annerumaani cafép tunua Hans Lyngep Inersuatalu silataatungaa atorneqarsinnaavoq.

Eqqumiitsuliortunut, nipilersortartunut, erinarsortartunut isiginnaartitsisartunullu erseqqissarneqartarpoq, Katuaq tassaammat kulturikkut illorsuaq nipilersornernik, isiginnaartitsinernik, filmernernik ataasimeersuarnernillu aaqqissuussisartoq. Taamaattumik saqqummersitsinerup nalaani illorsuarmi allamik pisoqarnissaa tamatigut naatsorsuutigineqartariaqarpoq.

Katuap saqqummersitsinermut atatillugu spaaniamiut iigai 20-t paarlersuarmut marlunngorlugit inississinnaavai, iikkallu illugiisillugit eqqumiitsulianik nivinngartuiffigineqarsinnaapput. Spaaniamiut iigaasa angissusaat: Silissusaat 122 cm x Portussusaat 220 cm. Igalaaminernik eqqumiitsulianik saqqummersitsivinnik pisariaqartitsisoqassappat, Katuaq taakkunannga killilimmik amerlassusilinnik pineqarpoq.

Saqqummersitsisarfiup titartagartaa uani takujuk.

Saqqummersitsinerit pillugit paasissutissiinermut sulianullu ataqatigiissaarisoq uunga saaffigineqarsinnaavoq: information@katuaq.gl