CAFETUAQ IGASUSSARSIORPOQ

Igasutut ilinniarsimasumik piaarnerpaamik sulilersinnaasumik pissarsiorpugut.

Pissarsiorpugut:

  • Igasumik kalaallit nerisassiassaataannik ilisimasaqarluartumik.
  • Sassaalliutissatsinnik ineriartortitseqqiisinnaasumik.
  • Igasoq tamatigoortoq ulapputtoqarneranilu malinnaalluarsinnaasoq nakkutiginnilluarsinnaasorlu.
  • Igasoq café-mik, a la carte-mik, qaaqqusinermi & ataatsimiisitsinermik ingerlatsisoqarnerani sassaalliinissamik misilittagaqarluartoq.

Piffissani assigiinngitsuni sivisussusilimmik sulisarnissaq naatsorsuutigineqassaaq. Cafetuaq ammasarpoq ataasinngornermit tallimanngornermut 09:00-nit 21:30-nut, arfininngornermilu 10:00-nit 21:00-nut. Piffissani assigiinngitsuni sulisoqartarpoq sappaatit akunneranut 48 tiimit.

Neqeroorutigivarput:

  • Suliffik pissanganartoq ineriartorfiusoq.
  • Suleqatigiit pikkorissut tapersersoqatigiilluartullu.
  • Suliffimmut atatillugu najugaqartinneqarnissamik qinnuteqartoqarsinnaavoq.

Katuaq inissarsiornermut ikiuussinnaavoq, taannalu malittarisassat atuuttut naapertorlugit akilerneqartassaaq.

Paasissutissat allat:

Suliffik annertunerusumik paasisaqarfigerusukkukku saaffigisinnaavat igaffimmi pisortaq Claus Schmidt uunga mobilimut sianerlutit +299 55 76 94 / mail: kokken@katuaq.gl imaluunniit Cafémut ataatsimiititsinernullu pisortaq  Rina Høegh Lund  mobil +299 53 52 99 / mail konference@katuaq.gl

Qinnuteqaat:

Qinnuteqaat, igasutut allagartap assilinera ilanngullugu, allaganngorlugu nassiunneqassaaq uunga: Katuaq, Box 1622, 3900 Nuuk, Att.: Aningaasaqarnermut allaffissornermullu pisortaq Thora Ludvigsen thl@katuaq.gl

Katuaq pillugu:

Katuaq inuussutissarsiutinik ingerlatsisutut aningaasaateqarfiuvoq, Kalaallit Nunaanni kulturip illorsua aallaavigalugu nunatsinni nunattalu avataani kulturikkut avitseqatigiittarneq suleqatigiinnerlu piorsarneratigut kalaallit kulturiannik nittarsaassinissamik suliaqartoq. Katuaq nammineq filmertarfimmik cafémillu ingerlataqarpoq, soorlu aamma ataatsimiittarfeqartoq ataatsimeersuartarfeqarlunilu tallimanik ullorialinnik. Katuaq kulturip silarsuaani peqatigiiffinnik, suliffeqarfinnik, kattuffinnik inunnillu ataasiakkaanik kulturi pillugu suleqaterpassuaqarpoq. Katuaq Namminersorlutik Oqartussanit Kommuneqarfik Sermersuumillu aningaasaliiffigineqartarpoq. Taakkua saniatigut Katuaq aningaasanik tapersiisartoqarpoq, sinerissami assigiinngitsunik kulturimut tunngasunik aaqqissuussinerut tapiisartunik.