Pisussanik ataqatigiissaarisartussaq
Immikkut pissarsiarerusupparput ataqatigiissaarisussaq piorsarsimassutsimut attuumassuteqartunik siammasissumik ilisimasaqartoq.
Katuami pisussanik ataqatigiissaarisartussamik pissarsiorpugut
Katuaq – Kalaallit Nunaanni Kulturip Illorsuaa pisussanik ataqatigiissaarisartussamik pissarsiorpoq, aaqqissuinermut immikkoortortaqarfimmiittussamik piaartumillu sulilersinnaasumik.
Immikkut pissarsiarerusupparput ataqatigiissaarisussaq piorsarsimassutsimut attuumassuteqartunik siammasissumik ilisimasaqartoq.
Pisussanik ataqatigiissaarisartussaq makku suliarisarissavai:
- Aaqqissuinermut immikkoortortaqarfik suleqatigalugu, ingerlaavartumillu kulturimik suliaqartut soqutigisaqatigisallu attaveqarfigalugit, kulturimik aallaaveqartunik pisussanik pilersaarusiorlunilu ingerlatsisarnissat.
- Kulturi tunngavigalugu aaqqissorniakkat suuneri apeqqutaatinnagit pilersaarusiornerni aqutsisuunerit, tassani pingaartutut ilaatillugit saqqummersitsinerit, isiginnaartitsinerit, saqqumiinerit, oqallitsitsinerit aaqqissuussallu kulturimut tunngasut allat.
- Illup iluanut avataanullu sammisunik piorsarsimassutsikkut pisussanik paasissutissiisarnerit.
- Aaqqissuinermut aqutsisoq qullersaralugu malinnaatitarisassavat
- Qanimut suleqatigissallugit Katuami immikkoortortaqarfiusut
Uagut neqeroorutigaagut
- Nunatsinnit kulturikkut suliallit peqatigalugit suliniuteqarsinnaaneq
- Atorfik pissanganartoq assigiinngisitaartunillu suliassanik imaqartoq
- Ukiumut arlaleriarluni sulisunut aaqqissuussinerni peqataasarnissat
- Suliffik suliffeqarfimmi ineriartortitsinermik pingartitsisoq
Illit tunginnit makku natsorsuutigivagut
- Suleqatikkuminartuunissat aammalu aaqqissugaalluartumik suleriaaseqarnissat
- Ineriartornermik pingartitsisuunissat
- Unnukkut sapaatillu akunnerisa naanerani sulisarumaarnissanut ammasoq
- Namminersorluni siunnerfilersugaalluartumik sulisinnaasoq
- Pilersaarutinik/ingerlanneqartunik aqutsinermik misilittagaqartoq
- Aningaasassarsiuussinernik misilittagaqartoq
- Kalalalisut, qallunaatut tuluttullu piginnaaneqartoq
- Kalaallit Nunaanni kulturimut eqqumiitsuliornermullu sammisunik soqutiginnittuullunilu ilisimasaqartuusoq
- IT-kkut atortorissaarutit atorlugit sulisinnaaneq
Atorfinitsitsinermi tunngaviusut
Aningaasarsiat piginnaaneqassuseq aallavigalugu inisinneqassaput.
Annertunerusunik paasiniaasinnaaneq
Atorfiit pillugit annertunerusunik paasiniaavigineqarsinnaavoq aaqqissuussinermut aqutsisoq attavigalugu: Jakob Søvndahl Skovaa eventmanager@katuaq.gl
Qinnuteqarnissamut killiliussaq
Qinnuteqarniussamut killiliussaq tassaavoq 22. maj 2023.
Qinnuteqaat ilanngullugillu piginnaasat ilinniarsimasallu pillugit minnerpaamik marlunnit uppernarsagaasut uunga nassiunneqassapput: Jakob Søvndahl Skovaa eventmanager@katuaq.gl
Uagut pilluta
Aaqqissuussinermut immikkoortortaqarfimmi ullumikkut sulisut makkuupput; Aaqqissuussinermut pisortaq, nipilersornerup iluani ataqatigiissaarisartoq aammalu pasissutissiinermik tuniniaanermillu ataqatigiissaarisoq. Taakku saniatigut saaffiginnittarfimmi biografimilu aqutsisoqarpoq, filminik pissarsiortartoq, piccoloqarluni filmertitsisartoqarlunilu. Ataqatigiissaarisussaq pissarsiariniagarput atorfinippat immikkoortortaqarfimmi inuttaligassat tamakkissapput.
Katuaq pillugu
Katuaq tassaavoq inuussutissarsiortutut aningaasaateqarfik, Kalaallit Nunaanni Piorsarsimassutsip Illorsua aallaavigalugu kalaallit kulturiannik nittarsaasuusoq nunatsinni aammalu nunani allani, kulturikkut suleqatit suleqasiussallu aqqutigalugit. Katuaq immineq filmertarfeqarlunilu caféqarpoq, aammalu tassaalluni ataatsimiinnernik ataatsimeersuarnernillu tallimanik ullorialigaalluni aaqqissuisartuusoq. Katuamik aningaasalersuisuupput Kalaallit Nunaanni Namminersorlutik Oqartussat aamma Kommuneqarfik Sermersooq. Taaneqartullu saniatigut Katuaq allanik aamma aningaasaliisartoqarpoq, nunarput tamakkerlugu piorsarsimassuseq tunngavigalugu aaqqissuussarpassuarnik tapersersuisartunik.
