Katuami suleqatigiissunut ilanngukkusuppit? Aaqqissuusinernut ataqatigiiissaarissartussarsiorpugut 1. decemer 2017-imiit sulilersussamik.

Katuaq – Kalaallit Nunaanni Pisorsarsimassutsip Illorsuani aaqqissuussinermut immikkoortortaqarfik aamma ataqatigiissaarisartussamik 1. december 2017 imal. isumaqatigiissuteqarneq tunngavigalugu aallartittussamik pissarsiorpoq Katuami immikkoortortaqarfiit qanimut suleqatigalugit makkuninnga suliaqartartussamik:

Aaqqissuussinermut ataqatigiissaarisup pingaarnerpaatut suliarisartagassai:

• Aaqqissuussinermut immikkoortortaqarfik suleqatigalugu piorsarsimassutsimut tunngasunik pilersaarusiorlunilu ingerlatsisarnissat aallaavigalugit ingerlaavartumik piorsarsimassutsikkut suleqatigisat soqutigisaqaqatigisallu attaveqarfigineri.
• Piorsarsimassutsikkut aaqqissuussat qanorluunniit ittut pilersaarusiornerini aqutsinerit, tamakku ataanni isiginnaartitsinerit, qitinnerit tusarnaartitsinerillu pingartutut inissisimatinneqassallutik.
• Illup iluani avammullu piorsarsimassutsikkut ingerlanneqartussat pillugit paasissutissiisarneq.
Uagut neqeroorutigaagut:
• Atorfik nikerartunik assigiinngisitaartunik suliassaqarfiusoq
• Sulisunut ukiumut arlaleriarluni aaqqissuussinerni peqataasarnissaq
• Suliffissaq ingerlatsivimmi ilinniaqqinnissamik pingartitsisuusumi
Uagut ilinnut atatillugu natsorsuutigisagut:
Illit:
• Suleqatikkuminartuunissat torersumillu suleriaaseqarnissat
• Ineriartornermut sammisuunissat – allanut soqutigineqartut tunngavigalugit periarfissanut pitsaanerusunut tappissuullutit
• Sulinissat nikerartuusinnaanerinut eqaassuseqartuunissat
• Namminersortumik siunnerfeqarluartumillu sulisinnaasuunissat
• Pilersaarutinik ingerlatsinernik aqutsinernillu misilittagaqartuunissat
• Kallaallit-, qallunaat- tuluillu oqaasiinik piginnaasaqarnissat
Makkuninnga peqareernissaq iluaqutaassaaq:
• Piorsarsimassutsimut tunngasunik ilisimasaqarlunilu soqutigisaqartuuneq
Atorfinitsinneqarnermi tunngavissat:
Piginnaaneqassasuseq aallaavigalugu aningaasarsiassat aaliangiunneqassapput.

Uagut pilluta:
Aaqqissuusinernut immikkoortortaqarfimmi sulisuupput: Aaqqissuussinernut pisortaq, aaqqissuusinernut ataqatigiissaarisartoq, paasissutissiisartoq aammalu ingerlattassanut ataqatigiissaarisartoq. Kiisalu aamma filmertarfimmi pisortaqarpoq, saaffiginnittarfimmiit-tartoqarluni, piccoloqarluni aammalu filmertitsisartoqarluni.

Annertunerusumik paasissutissiissutit
Atorfik pillugu annertunerusunik paasiniaasinnaavutit saaffigalugu aaqqissuusinernut pisortaq Marianne Nielsen Apaloo oqarasuaat normu: +299 36 37 74.

Qinnuteqarnissamut periarfissaq kingulleq
Qinnuteqarnissamut killiuvoq 15. november 2017.
Qinnuteqaatit, ilinniarsimasanut piginnaasaqarfigisanullu passissutissiissutit minnerpaamik marlunnit uppernarsaasigaasut ilanngullugit aningaasaqarnermut allaffissornermullu pisortamut Jukku Mølgaard-imut nassiuteqquneqarpoq mailimut uunga: cfo@katuaq.gl.

Katuaq pillugu:
Katuaq inuussutissarsiornermik ingerlatsisutut aningaasaateqarfiuvoq, Kalaallit Nunaanni Piorsarsimassutsip Illorsua Katuaq aallaavigalugu piorsarsimassutsip Kalaallit Nunaanni nunarsuullu sinneranut nittarsaannissaanik suliaqartuusoq, aqqutigalugit nunarsuaq tamakkerlugu piorsarsimassutsikkut attgaveqarfigisat suleqatigisallu. Katuaq immineq filmertarfeqarpoq caféqarlunilu, aammalu ataatsimiititsisarfiullunilu ataatsimeersuartitsisarfiuvoq tallimanik ullorialigaasoq. Katuap suleqatigivai peqatigiiffipassuit, suliffeqarfiit, suliniaqatigiiffiit aammalu inuit ataasiakkaat piorsarsimassutsimut attuumassuteqartut. Katuamut tapiissuteqartartuupput Kalaallit Nunaanni Namminersorlutik Oqartussat aammalu Kommuneqarfik Sermersooq. Saniatigullu Katuaq arlaqartunit aningaasaliiffigineqartarpoq, taamatullu Kalaallit Nunaanni piorsarsimassuseq tunngavigalu pisartorpassuarnut aningaasaliisartunik.
Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu