Igasutut ilinniarluarnissannik kissaateqarpit ilinniarninnilu angusaqarluarusullutit, taava illiusimassaaq Katuami igasutut ilinniartuutissarput. Pitsaanerpaanik nerisassiornissaq sassaalliinissarlu suliassarissagakku naatsorsuutigissavat.

Pissarsiorpugut:

  • Igaffimmi igasutut ilinniartussarsiorpugut ilinniarnerminik soqutiginnilluartumik tunniusimasumillu, aalajaatsoq, ilinniakkaminut tunniusimasoq, ulapputtoqarnerani malinnaalluarsinnaasoq suleqatikkuminartorlu.

Piffissani assigiinngitsuni sivisussusilimmik sulisarnissaq naatsorsuutigineqassaaq. Cafetuaq ammasarpoq ataasinngornermit tallimanngornermut 09:00-nit 21:30-nut, arfininngornermilu 10:00-nit 21:00-nut. Piffissani assigiinngitsuni sulisoqartarpoq sappaatit akunneranut 40 tiimit.

Neqeroorutigivarput:

  • Suliffik pissanganartoq ineriartorluartorlu.
  • Suleqatigiit pikkorissut tapersersoqatigiilluartullu.

Paasissutissat allat:

Suliffik pillugu annertunerusumik paasisaqarfigerusukkukku saafigisinnaavat igaffimmi pisortaq Claus Schmidt uunga mobilimut sianerlutit +299 55 76 94 / mail: kokken@katuaq.gl

Qinnuteqaat:

Qinnuteqaat, igasutut allagartap assilinera ilanngullugu, allaganngorlugu nassiunneqassaaq uunga: Katuaq, Box 1622, 3900 Nuuk, Att.: Aningaasaqarnermut allaffissornermullu pisortaq Thora Ludvigsen thl@katuaq.gl  piaarnerpaamik kingusinnerpaamillu 11. apriili 2022.

Katuaq pillugu:

Katuaq inuussutissarsiutinik ingerlatsisutut aningaasaateqarfiuvoq, Kalaallit Nunaanni kulturip illorsua aallaavigalugu nunatsinni nunattalu avataani kulturikkut avitseqatigiittarneq suleqatigiinnerlu piorsarneratigut kalaallit kulturiannik nittarsaassinissamik suliaqartoq. Katuaq nammineq filmertarfimmik cafémillu ingerlataqarpoq, soorlu aamma ataatsimiittarfeqartoq ataatsimeersuartarfeqarlunilu tallimanik ullorialinnik. Katuaq kulturip silarsuaani peqatigiiffinnik, suliffeqarfinnik, kattuffinnik inunnillu ataasiakkaanik kulturi pillugu suleqaterpassuaqarpoq. Katuaq Namminersorlutik Oqartussanit Kommuneqarfik Sermersuumillu aningaasaliiffigineqartarpoq. Taakkua saniatigut Katuaq aningaasanik tapersiisartoqarpoq, sinerissami assigiinngitsunik kulturimut tunngasunik aaqqissuussinerut tapiisartunik.

Assitaa takkutsilerpoq
Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu