Cafétuami pisortassamik

Katuaq inummik akisussaassuseqartumik namminersorlunilu sulisinnaasumik pissarsiorpoq, pitsaasumik sullissiumalluni Cafétuami ingerlatsinermik tigusiumasumik.

Akisussaaffiit suliassallu:

  • Ulluinnarni ingerlatsinissanik pilersaarusiornerit aammalu sulisut paarlagiiaartarnissaannik pilersaarusiornerit
  • Sulininermi piffissap 90%-ia Cafémi 10%ialu allaffimmi ingerlanneqartartussatut naatsorsuutigineqarput
  • Café aamma konferencechef kiisalu iggavimmi pisortaq peqatigalugit ulluinnarni suliassat ataqatigiissaarnissaannik suliaqarneq
  • Cafémut atortussanik pisiniartarneq
  • Pisortaasut piumasarisaat napertorlugit cafémi sulisut suliamikkut pitsaassuseqarnissaat isumannaarlugu
  • Cafémi immineq nakkutiginninnissap pitsaassusissaa isumannaarlugu
  • Café aamma konferencechefi peqatigalugu Cafémi sulisussarsiornerit isumagisarissallugit.

Makku uagut tungitsinniit naatsorsuutigivagut:

  •  Atorfimmut tulluuttunik ilinniagarsimasuunissat imaluunniit minnerpaamik sullissinermik aallaaveqarluni inuussutissarsiornermi misilittagaqartuunissat
  • Oqaloqatiginnillaqqissuunissat aammalu ajornanngippat marlugiinnik oqarseqartuunissat
  • Eqaatsumik allannguisinnaanernullu ammasumik isiginnittaaseqarnissat aammalu piffissani ulapaarfiusuni uivertartuunnginnissat
  • Sullivimmi ilaatigut ulapaarfiusartumi sulinissamik kajungerinnittuunissat aammalu suliassanik amerlasuunik ataatsikkut ingerlatsisinnaasuunissat.

Neqeroorutigaarput atorfik soqutiginartoq suliffimmi kajungernartumi ukiumut amerlasuunik aaqqiossuiffiusartumi siammaseqisumillu attaveqartuusumi.

Annertunerusumik paasisassarsiorsinnaaneq:

Atorfik pillugu apeqqutissaqaruit, taava tikilluaqqusaavutit attaveqarfigisissallugu Café- og konferencechef Johanne L. Knudsen aqqutigalugit oqarasuaat +299 55 46 20 imal. uunga allagaqarlutit: konference@katuaq.gl.

Qinnuteqaat

Isumaqaruit atorfimmut illit piukkunnartuullutit? Taava CV-t qinnuteqaatillu kingusinnerpamik 31. juli 2018 uunga nassiutikkit: økonomi- og administrationschef Jukku Mølgaard på mail cfo@katuaq.gl.

Katuaq pillugu

Katuaq tassaavoq inuussutissarsiortutut aningaasaateqarfik, Kalaallit Nunaanni Piorsarsimassutsip Illorsua aallaavigalugu kalaallit kulturiannik nittarsaasuusoq nunatsinni aammalu nunani allani, kulturikkut suleqatit suleqasiussallu aqqutigalugit. Katuaq immineq filmertarfeqarlunilu caféqarpoq, aammalu tassaalluni ataatsimiinnernik ataatsimeersuarnernillu tallimanik ullorialigaalluni aaqqissuisartuusoq. Katuamik aningaasalersuisuupput Kalaallit Nunaanni  Namminersorlutik Oqartussat aamma Kommuneqarfik Sermersooq. Taaneqartullu saniatigut Katuaq allanik aamma aningaasaliisartoqarpoq, nunarput tamakkerlugu piorsarsimassuseq tunngavigalugu aaqqissuussarpassuarnik tapersersuisartunik.