Filmmertitsisarfimmi pisortap aaqqissuinermi pisortaasoq pisortaralugu aammalu Katuami immikkoortortaqarfiit allat suleqatigalugit, makku suliassarissavai:

Filmertitsisarfimmi pisortap pingaarnertut suliarisartagassai:

  • Filmertitsisarfimmi atortorisat akisuussaaffigalugit filmmertitsisarnerup ingerlanissaa isumannaagarissallugu
  • Programiliuussineq
  • Nikerartumik sulillutillu piareersimasartussanik pilersaarusiuussisarneq aammalu ingerlatsinermi angusat ingerlaavartumik nalilersortarnissaat
  • Missingersuusiortarneq tamatumalu malinneqarnissaanik isumannaarinninniarluni malittarinninnissaq
  • Kioskip nioqqutissaanik uninngasuutitaanillu aqutsinissaq
  • Katuap iluani pisortaasunut siulersuisunullu nalunaarusiortarnissaq
  • Filmertitsisarfiup pilersaarutissaanik suliaqarlunilu timitalersuisarnissaq 

Ujartuivugut inummik akisussaassuseqarluni suliffimmilu immikkoortut akimut suleqatigalugit,  angusaqarluarnissamik sulisinnaasumik.

Uatsinnit naatsorsuutigivarput tassaassasutit inuk suleqateqarnissamut piginnaaneqartoq, allallu peqatigalugit angusaqarluarnissamik pingaartitsisoq. Siuttuusutut inissisimassaatit taamatullu inissisimasinnaasuussallutit, taamallu suleqatigisanut tamanut takutitsilluartuullutit maligassiuisuussallutit.

Tatiginartuussaatit, patajaatsuussallutit toqqissisimanartuussallutillu. Ulluinnarni torersumik suleriaaseqassaatit, akisussaanermik tigumminnittoq pilersaarutinillu timitaliisarnissamut piginnaaneqartoq. Taaneqartullu saniatigut naatsorsuutigivarput tassaasutit inuk qungujulaarluni inussiarnerlunilu allanik oqaloqatiginnillunilu attaveqarsinnaasoq, inuit amerlasuut akornan-niissinnaasoq, nunamut tunngasoq aammalu ulapaarfiugaluarpalluunniit uiertartuunngitsoq.

Natsorsuutigineqarporlu tuniniaanermik sullissinermillu sungiussisimasuussutit, naleqquttumik misilittagartoq soorlu niuertarfinni, angalatitsivinni, aliikkusersuisarfinni, akunnittarfinni neriniartarfinnilu imal. allani assingusuni sulisimasoq, sullissinissamut eqiingasuusoq.

Makku ilinnit naatsorsuutigivagut

  • tulluuttunik misilittagaqarneq
  • aqutsinermik misilittagaqarneq
  • suleqatikkuminartoq aaqqissuussaalluartumillu suleriaaseqartoq
  • namminersorluni siunnerfeqarluarlunilu sulisinnaasoq
  • niuernermik ilisimaarinnittoq sullissilluarnissamillu pingaartitsilluinnartuusoq
  • suliffissanut suliassanullu nikerartunut akuersaarinnissinnaalluni eqaassuseqartoq
  • kalaallisut, qallunaatut tuluttullu piginnaaneqartoq
  • kulturitsinnik ilisimaarinnillunilu soqutiginnittuusoq

Uagut neqeroorutigaagut

  • Suliffik soqutiginartoq ineriartupiloortuusorlu
  • Suliffik allanngorartunik imaqartoq
  • Suleqatit pikkorissut ikorfartoqatigiilluartullu
  • Ukiumut ataasiarluni filmit pillugit nunani allani naapeqatigiittarnerni peqataasarnissat
  • Suliffeqarfik kulturimik qitiutitsisoq

Atorfininnermi tunngavissat
Piginnaasat aallaavigalgit aningaasarsiassat annertussusilerneqassapput

Annertunerusumik paasiniaanissaq
Paasissutissat annertunerusut piniarneqarsinnaapput attaveqarfigalugu: arrangementschef Camilla Høg oqarasuaat +299 36 37 74 

Qinnuteqarnissamut killiliussaq
Qinnuteqarnissamut killiliussaavoq ulloq 22. januar 2020, oqaloqatiginninnerillu ingerlaavartumik ingerlatissavagut.

Qnnuteqaat ilinniarsimasanut/piginnaaneqarfigisanut paasissutissat minnerpaamik marlunneersut ilanngullugit nassiunneqassapput uunga: økonomi- og administrationschef Jukku Mølgaard, mail: cfo@katuaq.gl.

Katuaq pillugu
Katuaq niuernerpalaartumik aningaasaateqarfiuvoq, Kalaallit Nunaata Piorsarsimassutsikkut Illorsua aallaavigalugu Kalaallit Nunaanni nunanullu allanut kalaallit kulturiannik nittarsaassiviusoq aammalu kulturi aallaavigalugu nunarsuaq tamakkerlugu attavissanik suleqatissanillu katersuutsitsiviusoq. Katuaq immineq filmertarfeqarlunilu sutorniartarfimmik cafeqarpoq ataatsimeersuartarfiuvorlu ataatsimiittarfiullunilu tallimanik ullorialigaasoq.

Katuamit suleqatigineqarput peqatigiiffippassuit, suliffeqarfiit, suliniaqatigiiffiit inuillu kulturimik suliaqartut ataasiakkaat.  Katuamut aningaasalersuisuupput Kalaallit Nunaanni Namminersorlutik Oqartussat aammalu Kommuneqarfik Sermersooq. Saniatigullu Kalaallit Nunaat tamakkerlugu kulturi aallaavigalugu aaqqissuisarnernut Katuaq arlaqartunik aningaasaliisartoqarpoq. 

 

Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu