Igasoq atorfinitsikkusupparput:

  • kalaallit nerisassaataanut ilisimaarinnittoq
  • menukortilioqataasarsinnaasoq
  • nakkutiginnilluarsinnaasoq
  • cafémi misilittagaqartuusoq – a la cartenut kiisalu aaqqissuussinernut
  • ilinniarsimasoq

Nikerartumik suliffiuvoq. Café ammasarpoq ataasinngornermiit – tallimanngornermut 11:00 – 19:00, arfininngornikkut 10:00 – 19:00 kiisalu sapaatikkut 10:00 – 15:00. Sapaatip akunneranut 48 tiimini suliffiuvoq.

Neqeroorutigaagut:

  • Suliffik soqutiginartoq, ineriartorfiujuartoq allanngorarfiusorlu.
  • Suleqatit pikkorissut imminnut ikioqatigiilluartut.
  • Sulinermi pissutsit pitsaasut, iggavik nutaaq atortuutillu pitsaasut.

Paasissutissat sukumiinerusut
Atorfik pillugu apeqqutissaqaruit Café aamma Konferencechef Rina Høegh Lund mobilikkut +299 53 52 99 imaluunniit mail konference@katuaq.gl attavigineqarsinnaavoq.

Qinnuteqaat
Qinnuteqaat kiisalu ilinniarsimanermut allagartap assilinera piaartumik kingusinnerpaamillu ataasinngorneq 22/9 2020 uunga nassiunneqassaaq Katuaq, Box 1622, 3900 Nuuk, att.: økonomi- og administrationschef Jukku Mølgaard cfo@katuaq.gl.

Katuaq pillugu
Katuaq tassaavoq inuussutissarsiortutut aningaasaateqarfik, Kalaallit Nunaanni Piorsarsimassutsip Illorsua aallaavigalugu kalaallit kulturiannik nittarsaasuusoq nunatsinni aammalu nunani allani, kulturikkut suleqatit suleqasiussallu aqqutigalugit. Katuaq immineq filmertarfeqarlunilu caféqarpoq, aammalu tassaalluni ataatsimiinnernik ataatsimeersuarnernillu tallimanik ullorialigaalluni aaqqissuisartuusoq. Katuaq peqatigiiffinnik, suliffeqarfinnik inunnillu assigiinngitsorpassuarnik suleqarteqarpoq.

Katuamik aningaasalersuisuupput Kalaallit Nunaanni Namminersorlutik Oqartussat aamma Kommuneqarfik Sermersooq. Taaneqartullu saniatigut Katuaq allanik aamma aningaasaliisartoqarpoq, nunarput tamakkerlugu piorsarsimassuseq tunngavigalugu aaqqissuussarpassuarnik tapersersuisartunik.

Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu