Katuaq inuussutissarsiortutut aningaasaateqarfiuvoq imminullu pigisutut ingerlasuulluni. Siammasissumik kulturimut tunngasutigut ingerlatsisuunermi saniatigut, Katuaq immineq filmertarfeqarlunilu caféqarpoq aammalu ataatsimiititsisarfittut ataatsimeersuartitsisarfittullu tallimanik ullorialigaasuulluni.  Katuap peqatigiiffippassuit, suliffeqarfiit, suliniaqatigiiffiit kulturimillu suliaqartut assigiinngitsorpassuit suleqatigisuuai. Katuap sulisuinut pingaarnersaapput isiginnaariat sullissallu pitsaasumik kulturikkut sullinneqarnikkullu misigisaqartinnissaat. 

Siulersuisunut nalunaaruteqartartussaalluni pisortap suliffeqarfik ukiumut 34-35 million koruuninik sulisunillu 50-inik tunuliaqutaqartoq aqutaralugulu akisussaaffigissavaa. Makkulu suliassani pingarnerpaatut inissisimapput:

▪ Ukiunut 2018 – 2020-imut periusissanik sunniuteqarluni  inaarsaanissaq. Kingornalu 2018-imiit 2020-mut periusissianik pilersaarutinillu akuerisaasunik timitalersuinissaq  

▪ Ulluinnarni Katuamik aqutsineq, sulisunillu qanimut suleqatiginninneq  

▪ Inussutissarsiortutut aningaasaateqarfimmi Kalaallillu Nunanni Kulturip Illorsuani siulersuisunik sullissineq

▪ Qaammammoortumik piffissaq eqqorlugu siulersuisunut nalunaarusiortarneq (Aningaasaqarneq pisortatullu nalunaarusiorneq)

▪ Kulturimut sammisutigut ingerlanniakkanut aningaasassarsiortarneq aningaasaliisartunullu attaveqarneq

▪ Suliffeqarfimmi immikkoortortaqarfinnut akisussaasuuneq (Sulisoqarnermut-, Avammut attaveqarnermut-, IT-qarnermut- il.il. immikkoortortaqarfiit)

▪ Paasissutissiisarneq takoqqusaarisarnerlu 
 

Inuttaliussassaq naleqquttoq erseqqissumik aqutsisinnaasuussaaq Katuap nunatsinni piorsarsimassutsimut atatillugu avatangiiserisaanik ilisimasaqartuussalluni politikkimillu ingerlatsiviusunut attaveqarluartuulluni aammalu politikkernerup iluani aaliangiiniariaatsinik ilisimaarinnittuussalluni.

Taakku saniatigut makku pingaartinneqarputtaaq:

▪ Kalaallit, qallunaat tuluttuillu oqaasiinik atuisinnaanissaq  

▪ Niuerniallaqqissoq avataanut attavigissaartuusoq aningaasassarsiornermillu ilisimasaqartoq

▪ Kinaassuseqarluartoq aammalu sallerpaajulluni inissisimanissamut piukkunnartoq

▪ Suliffeqarfimmi pisortaasut sinneri peqatigalugit siumut isigaluni, pilersaarusiorluagaasunik ingerlatassanik piareersaasinnaasoq

▪ Qullasissumik aqutsisuusimanermik uppernarsaatissanik peqartoq

▪ Misigisanik tunniussuinissamut ilisimasaqarneq iluaqutaassaaq

▪ Piorsarsimassutsimut sammisunik misilittagaqartoq

▪ Siammasissuseqarnissamut inissaqartitsillunilu qitiutitsisinnaasoq  

▪ Ingerlatsiviup iluani eqaatsumik kajungertumillu suleriaaseqarluni ingerlatsisinnaasoq

▪ Torersumik sulisoq aaliangiillaqqissuusorlu

▪ Nalilersuillunilu timitalersuisinnaasuusoq, isumannaarinnilluni periarfissat eqqarsaatigilluagaanissaannik aammalu aaqqiissutissat piviusunngortinnissaannik

▪ Suleqatinut suliffeqarfiullu siammasissumik iluani kiisalu avataani suleqatigisanut ammasuusoq suleqatiginnikkumasuullunilu

▪ Isummiussanik terfalanngitsumik attassisinnaasoq, imminut tatigisoq aammalu avataaniittunik illullu iluani isumaqatiginninniarnerni iluatsitsisinnaassuseqartoq 

▪ Oqaloqatiginnillunilu attaveqallaqqissuusoq, allakkatigut oqaluinnarnikkullu namminerlu inassuteqaatinik naannerusunik allanillu suliaqarsinnaasuusoq

▪ Politikkilerisunut kiisalu  pisortat namminersortullu tungaannut attaveqarnissaminut piginnaaneqartuusoq – aamma qasusuilluni sivisuumik suliassanut oqimaakkaluartunulluunniit atatillugu ingerlatsisinnaasoq

▪ Suliaminut soqutiginnilluarluni tunniusimasuusoq. Sulerusussuseqarluinnartoq qasujaatsorlu.  

Katuap pisortassarsiornermi suleqatigaa Pointer A/S. Tikilluaqquneqarputit uunga attaveqarsinnaanissamut: siunnersorti Morten R. Christiansen oqarasuaat +45 26170932 imaluunniit pisortamut Inger Ingvardsen -imut oqarasuaat +45 29368636. Saaffiginnittut tamarmik allanut isertuunneqassapput. 

Qinnuteqaat kingusinnerpaamik ulloq, 22. december 2017 uunga nassiunneqassaaq:   kam@pointersearch.dk.