Pisussanik aqutsisutut, illorsuarmi pisortaasoq ningiorissavat, immikkoortortaqarfiit pingasut akisussaaffigissallugit inuit makku pingaaruteqartumik inissisimasut peqatigalugit: Attaveqatigiinnermut- nittarsaasinermullu ataqatigiissaarisoq, pisussanik ataqatigiissaarisartuusut marluk, filmertarfimmi ingerlatsisoq aammalu saaffiginnittarfimmi ningiuusoq. Immikkoortortaqarfinni filmertarfimmi saaffiginnittarfimmilu aamma allanik sulisoqarpoq.

Aaqqissuussinermut aqutsisoq pingaarnertut akisussaaffigivai ingerlanniakkanik pilersaarusiornerit, ineriartortitsinerit aammalu timitaliilluni ingerlatsinerit, taamaattumillu pingaartuuvoq, aaqqissuussinermut aqutsisup ingerlanniakkanik aqutsillaqqissuunissaa aammalu sulianik assigiinngisitaartunik ataatsikkut ingerlatsisinnaassuseqarnissaa. Kiisalu akisussaaffigisanut ilaavoq aaqqissuussat pillugu avammut attaveqarnissaq.

Aaqqissuussinermi pisortap pingarnertut suliassai makkuupput:  

  • Katuap ukiumoortumik ingerlanniagaanik inississuisarnissaq
  • Ingerlanniakkanut atatillugu missingersuusianik nakkutiginnilluni malittarinnittarnissaq
  • Ingerlanniakkanik aqutsineq malittarinnillunilu nakkutiginninneq
  • Aaqqissuussanut aningaasassarsiorneq
  • Ingerlanneqartut pillugit naatsorsueqqissaarusiorlunilu nalunaarusiortarnissaq
  • Avataani attavigisanik isumaginninneq aammalu kulturi tunngavigalugu suliaqartunik isumasioqateqartarneq

Ujartorparput:

Inuk tamakkiisumik isiginnissinnaassuseqartoq, aqutsisinnaasoq misilittagaqartorlu, oqaloqatiginnillaqqissuullunilu attaveqallaqqissuusoq, pilersaarutinik aqutsininermik misilittagaqartoq ingerlatsinermilu siuttuusinnaasoq.

Pitsaassaaq kalaallit, qallunaat tuluillu oqaasiinik atuisinnaaguit.

Aningasarsiat piginnaassuseqarneq naapertorlugu inissinneqassapput. Atorfininnissaq pissaaq marsip aallaqqaataani 2021 imal. isumaqatigiissuteqarneq naapertorlugu.

Qinnuteqaatit, ilinniarsimasat siusinnerusukkullu suliaqarsimanernut atatillugu oqaaseqaatit ilanngullugit uunga ingerlatinneqassapput: pisortaq, Arnakkuluk Jo Kleist: ceo@katuaq.gl

Qinnuteqarnissamut killiliussaavoq: Decembarip 28-at 2020


Katuaq pillugu
Katuaq tassaavoq inuussutissarsiortutut aningaasaateqarfik, Kalaallit Nunaanni Piorsarsimassutsip Illorsua aallaavigalugu kalaallit kulturiannik nittarsaasuusoq nunatsinni aammalu nunani allani, kulturikkut suleqatit suleqasiussallu aqqutigalugit. Katuaq immineq filmertarfeqarlunilu caféqarpoq, aammalu tassaalluni ataatsimiinnernik ataatsimeersuarnernillu tallimanik ullorialigaalluni aaqqissuisartuusoq. Katuamik aningaasalersuisuupput Kalaallit Nunaanni  Namminersorlutik Oqartussat aamma Kommuneqarfik Sermersooq. Taaneqartullu saniatigut Katuaq allanik aamma aningaasaliisartoqarpoq aaqqissuussarpassuarnik tapersersuisartunik.

Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu