Katuaq – Kulturip Illorsuaa paasissutissiinermut tuniniaanermullu ataqatigiissaarisussamik misilittagaqarlunilu soqutiginnilluartumik pissarsiorpoq, Katuap digitaliusumik kiinnertarneranik nukittorsaasinnaasumik.

Atorfik pineqartoq Aaqqissuinermut immikkoortortaqarfiup iluani ippoq Pisussanik Aaqqissuisartumik (Eventmanagerimik) suleqateqarneq aallaaviussalluni. Immikkoortortaqarfik inunnik arfinilinnik aaliangersimasumik sulisunik inuttaqarpoq, Eventmanageri ilanngullugu.

Paasissutissiinermut tuniniaanermullu ataqatigiissaarisutut akisussaaffigissavatit Katuap inuinnaat qarasaasiatigut attaveqaataannik atuinissaq aammalu nittartakkamik nutarterisarnissaq. 

Taaneqartut saniatigut aaqqissuinernik annikinnerusumik suliaqartassaatittaaq, taamatut peqataanermi kulturimut atatillugu pisussanik pilersaarusioqataallutillu ingerlatseqataasassallutit.

Illit qanoq ittuunissat:

  • Inuit qarasaasiakkut attaveqaataannik atuinermik misilittagaqarluassaatit annertusaasinnaassallutillu.
  • Nittartakkamik suliaqarnermik misilittagaqassaatit.
  • Tuniniaalluni sulianik timitaliiniarnermik misilittagaqassaatit.
  • Pilersaarutit timitalernissaanni misilittagaqassaatit.
  • Suliannut tunniusimalluartuussaatit aaqqissuussaalluartumillu suleriaseqassallutit.
  • Nassaarsiullaqqissuussaatit pitsaassutsimillu tunulliussinngisaannartuussallutit.
  • Ilusilersugaalluartumik torersumillu suleriaaseqassaatit.
  • Kalaallisut, qallunaatut tuluttullu oqalussinnaallutillu allassinnaasuussaatit.
  • Misilittagaqartuussaatit imal. atorfimmut naleqquttumik ilinniagaqarsimasuussallutit, tassa suliat piviusunngortinnissaat isumagisinnaajumallugit.
  • MS-Office ilisimasaqarluarfigissavat.

Uagut neqeroorutigaagut:

  • Suliffik soqutiginartoq ineriartupiloortuusorlu.
  • Atorfik tamatigoortoq.
  • Suleqatit pikkorissut imminnut ikioqatigiittuusut.
  • Piginnaasaqarneq tunngavigalugu aningaasarsiaqarneq

 Sulilernissaq:

Sapinngisamik piaartumik imaluunniit isumaqatigiissuteqarneq naapertorlugu.

Annertunerusumik paasissutissat:

Atorfimmut atatillugu apeqqutissaqaruit, taava tikilluaqquneqarputit Event Manager Varna Nielsenimut saaffiginninnissamut uku aqqutigalugit: mobil +299 55 22 04 imal. mail eventmanager@katuaq.gl.

Qinnuteqaat

Atorfimmut piukkunnartuuiit? Taava CV-t allaganngorlugulu qinnuteqaatit kingusinnerpaamik 3. maj 2018 uunga nassiutikkit: økonomi- og administrationschef Jukku Mølgaard, mail cfo@katuaq.gl.

Katuaq pillugu

Katuaq tassaavoq inuussutissarsiortutut aningaasaateqarfik, Kalaallit Nunaanni Piorsarsimassutsip Illorsua aallaavigalugu kalaallit kulturiannik nittarsaasuusoq nunatsinni aammalu nunani allani, kulturikkut suleqatit suleqasiussallu aqqutigalugit. Katuaq immineq filmertarfeqarlunilu caféqarpoq, aammalu tassaalluni ataatsimiinnernik ataatsimeersuarnernillu tallimanik ullorialigaalluni aaqqissuisartuusoq. Katuamik aningaasalersuisuupput Kalaallit Nunaanni  Namminersorlutik Oqartussat aamma Kommuneqarfik Sermersooq. Taaneqartullu saniatigut Katuaq allanik aamma aningaasaliisartoqarpoq, nunarput tamakkerlugu piorsarsimassuseq tunngavigalugu aaqqissuussarpassuarnik tapersersuisartunik.