Sivitsorneqarpoq oktobarip 23-nut.

Katuaq suliffeqarfiuvoq eqeersimaartoq pissanganartorlu, assigiinngitsorpassuarnik pisoqarfiusartoq ukiorlu kaajallallugu ornigarneqartuartartoq.

Katuami naleqartitat: Pitsaassuseq, Ataqatigiinneq Pilersitsiortornerlu, sulinermut taakku qitiupput.

Katuami sulisut eqqumiitsuliortunik, kulturikkut nuimasunik, kattuffinnik  suliffeqarfinnillu suleqateqartarput, taamatullu eqqaamiut, nunanit allaneersut allarpassuillu attaveqarfigisarpaat.

Paasissutissiisarnermut pilerisaarisarnermullu ataqatigiissaarisup akisussaaffigaa Katuap avammut kiinnertarnera malittarisassallugu. Suleqataasussaq aaqqissuinermut immikkoortortaqarfimmut ilaassaaq, aaqqissuinermut pisortamut akisussaasuulluni, taamaattoq ulluinnarni Katuamut tamakkerlugu attaveqartassaaq, ingammik caféqarfimmut ataatsimeersuartunillu isumaginnittunut.

Suliassatut pingaarnerpaapput Katuamiit avammut tusagassiorfinnut assigiinngitsunut ingerlaavartumik paasissutissanik pilersuinissaq, pilersaarusiornissaq ataqatigiissaarinissarlu, nittartakkamut ikkussassanik suliaqartarnissaq tusagassiuutillu pilerisaarinermik aallutaqartut allat attavigisarnissaat.

Katuami suliffeqarfimmi systemit ineriartorteqqinneqarput, tamanna illup iluani suleriaatsinut sullitallu misigisaqartarnerannut iluaqutaasussaavoq. Pisumi tassani paasissutissiisarnermut pilerisaarisarnermullu ataqatigiissaarisussaq pingaarutilimmik qitiuvoq.    

Pingaarnertut suliaqarfigisartagassat

  • Pilersaarusiorneq, ataqatigiissaarineq Katuamilu sammisat Katuamullu tunngassutillit allat pillugit paasissutissat pilerisaarutillu naammassineqartarnissaat.
  • Suleqatit ilioqqaasartullu avataaneersut suleqatigalugit pilerisaarutit imassaat pilersaarusiortarlugit.
  • Nittartakkatsinni www.katuaq.gl-imi paasissutissat nutaarsiassallu nutartertarnissaannut akisussaasuuneq.
  • Sammisamut akisussaasuusut peqatigalugit pilerisaarisarnermut tuniniaanissamullu qulaajaanerit suliarisarlugit.
  • Katuap illorsuartaanut isertussanut paasissutissat pillugit ataqatigiissaarisarneq.
  • Cafétuap tunisassiarisartagaasa ilusilersorneri pilerisaarusiarineqartarnerilu ataqatigiissaarisuuffigisarlugit.
  • Aaqqissuinermut immikkoortortaqarfimmi sulisunut akuuneq, pisariaqartitsisoqartillugulu suliassanut ikiuuttarneq.

Illit pillutit makku naatsorsuutigaavut:

  • Pilerisaarisarnerup iluani ilinniarsimasuussasutit iml. tassunga tunngassutilimmik misilittagaqariissasutit.
  • Inuit internetimi naapittarfianni nittartakkallu imassaannik immersuisarnermut misilittagaqassaatit.
  • Kalaallisut, qallunaatut tuluttullu allassinnaallutillu oqalussinnaassaatit.
  • Kulturikkut illorsuarmi pikialaarfiusaqisumi ulapaarfiusaqisumilu akuunissamut kajumittuussaatit.
  • Asssigiinngiiaartunik suliaqaraangavit illup iluani avataanilu suleqateqartillutit paatsiveeruttannginnissat piumasaqaataavoq.
  • Katuami isigisassat eqqarsaatigalugit takujuminarsaanermik soqutigisaqartuussaatit.
  • Pisut allanngupallassinnaanerinut sillimareertassaatit, suliffiullu avataatigut suleriataarnissaq pisariaqaleraangat piareersimasassallutit.
  • Allanngueqataanissaq salliuffigissallugu nangaassuteqartassanngilatit ineriartornissarlu pingaartitarissavat.
  • Kalaallit kulturiannut inuiaqatigiinnullu ilisimasaqarlutillu paasisimasaqassaatit.

 

Paasissutissat allat:

Suliffik annertunerusumik paasisaqarfigerusukkukku saaffigisinnaavat  Aaqqissuussinermut pisortaq Jakob Søvndahl Skovaa mobil +299 54 71 94.

Qinnuteqaat:

Qinnuteqaat ilanngullugillu piginnaasat ilinniarsimasallu pillugit minnerpaamik suliffeqarfinnit marlunnit uppernarsagaasut uunga nassiunneqassapput uunga: Katuaq, Box 1622, 3900 Nuuk, Att.: Aqqissuusinermut pisortaq Jakob Søvndahl Skovaa eventmanager@katuaq.gl  kingusinnerpaamillu 23. oktober 2022.

 

Katuaq pillugu:

Katuaq inuussutissarsiutinik ingerlatsisutut aningaasaateqarfiuvoq, Kalaallit Nunaanni kulturip illorsua aallaavigalugu nunatsinni nunattalu avataani kulturikkut avitseqatigiittarneq suleqatigiinnerlu piorsarneratigut kalaallit kulturiannik nittarsaassinissamik suliaqartoq. Katuaq nammineq filmertarfimmik cafémillu ingerlataqarpoq, soorlu aamma ataatsimiittarfeqartoq ataatsimeersuartarfeqarlunilu tallimanik ullorialinnik. Katuaq kulturip silarsuaani peqatigiiffinnik, suliffeqarfinnik, kattuffinnik inunnillu ataasiakkaanik kulturi pillugu suleqaterpassuaqarpoq. Katuaq Namminersorlutik Oqartussanit Kommuneqarfik Sermersuumillu aningaasaliiffigineqartarpoq. Taakkua saniatigut Katuaq aningaasanik tapersiisartoqarpoq, sinerissami assigiinngitsunik kulturimut tunngasunik aaqqissuussinerut tapiisartunik.

 

 

Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu