Katuaq – Kalaallit Nunaanni Kulturip Illorsuaa pisussanik ataqatigiissaarisartussamik pissarsiorpoq, aaqqissuinermut immikkoortortaqarfimmiittussamik, 1. marts 2019 isumaqatigiissuteqarnerulluunniit kinguninngua sulilersinnaasunik.  

Immikkut pissarsiarerusupparput ataqatigiissaarisussaq piorsarsimassutsimut attuumassuteqartunik siammasissumik ilisimasaqartoq.

Pisussanik ataqatigiissaarisartussaq aaqqissuinermut pisortaq qullersaralugu malinnaatitarisassavaat qanimullu suleqatigissallugit Katuami immikkoortortaqarfiusut, makku suliarisarissallugit:

Pisussanik ataqatigiissaarisup pingaarnertut suliassai:

  • Aaqqissuinermut immikkoortortaqarfik suleqatigalugu, ingerlaavartumillu kulturimik suliaqartut soqutigisaqatigisallu attaveqarfigalugit, kulturimik aallaaveqartunik pisussanik pilersaarusiorlunilu ingerlatsisarnissat.
  • Kulturi tunngavigalugu aaqqissorniakkat suuneri apeqqutaatinnagit pilersaarusiornerni aqutsisuunerit, tassani pingaartutut ilaatillugit, isiginnaartitsinerit, qitinnerit tusarnaartitsinerillu.
  • Illup iluanut avataanullu sammisunik piorsarsimassutsikkut pisussanik paasissutissiisarnerit.

Uagut neqeroorutigaagut

  • Atorfik assigiinngisitaartunik suliassanik imaqartoq
  • Ukiumut arlaleriarluni sulisunut aaqqissuussinerni peqataasarnissat
  • Suliffik suliffeqarfimmi ilinniaqqinnissamik pingartitsisuusumi

Illit tunginnit makku natsorsuutigivagut

  • Suleqatikkuminartuunissat aammalu aaqqissugaalluartumik suleriaaseqarnissat
  • Ineriartornermik pingartitsisuunissat – soorlu neqeroorutigisartagassat eqarsaatigalugit periarfissanut allanut pitsaanerusunullu eqqummaarittuartuuneq
  • Unnukkut sapaatillu akunnerisa naanerani sulisarumaarnissanut ammasoq
  • Namminersorluni siunnerfilersugaalluartumik sulisinnaasoq
  • Pilersaarutinik/ingerlanneqartunik aqutsinermillu misilittagaqartoq
  • Aningaasassarsiuussinernik misilittagaqartoq
  • Kalalalisut, qallunaatut tuluttullu piginnaaneqartoq
  • Kulturimut sammisunik soqutiginnittuullunilu ilisimasaqartuusoq
  • Niupilersukkanik ilisimasaqartuullunilu soqutigisaqartuusoq 

Atorfinitsitsinermi tunngaviusut
Aningaasarsiat piginnaaneqassuseq aallavigalugu inisinneqassaput.

Uagut pilluta
Aaqqissuussinermut immikkoortortaqarfimmi ullumikkut sulisut makkuupput; Aaqqissuussinermut pisortaq, pisussanik ataqatigiissaarisartoq aammalu pasissutissiinermik tuniniaanermillu ataqatigiissaarisoq. Taakku saniatigut Filmertarfik pisortaqarpoq, saaffiginnittarfimmi sulisoqarluni, piccoloqarluni filmertitsisartoqarlunilu. Taamallu ataqatigiissaarisussat pissarsiariniakkagut atorfinippata immikkoortortaqarfimmi inuttaligassat tamakkissapput.

Annertunerusunik paasiniaasinnaaneq
Atorfiit pillugit annertunerusunik paasiniaavigineqarsinnaavoq aaqqissuussinermut pisortaq Camilla Høg uunga sianerluni +299 36 37 74.

Qinnuteqarnissamut killiliussaq
Qinnuteqarniussamut killiliussaq tassaavoq 21. januar 2019.

Qinnuteqaat ilanngullugillu piginnaasat ilinniarsimasallu pillugit minnerpaamik marlunnit uppernarsagaasut uunga nassiunneqassapput: økonomi- og administrationschef Jukku Mølgaard uunga ingerlatinneqassallutik:  cfo@katuaq.gl.

Katuaq pillugu
Katuaq tassaavoq inuussutissarsiortutut aningaasaateqarfik, Kalaallit Nunaanni Piorsarsimassutsip Illorsua aallaavigalugu kalaallit kulturiannik nittarsaasuusoq nunatsinni aammalu nunani allani, kulturikkut suleqatit suleqasiussallu aqqutigalugit. Katuaq immineq filmertarfeqarlunilu caféqarpoq, aammalu tassaalluni ataatsimiinnernik ataatsimeersuarnernillu tallimanik ullorialigaalluni aaqqissuisartuusoq. Katuamik aningaasalersuisuupput Kalaallit Nunaanni Namminersorlutik Oqartussat aamma Kommuneqarfik Sermersooq. Taaneqartullu saniatigut Katuaq allanik aamma aningaasaliisartoqarpoq, nunarput tamakkerlugu piorsarsimassuseq tunngavigalugu aaqqissuussarpassuarnik tapersersuisartunik.

Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu