Katuaq – Kalaallit Nunaanni piorsarsimassutsip Illorsua tamatigoortumik Caféqarnermut ataatsimeersuarnernillu ingerlatsinermut pisortassasiorpoq, inummik tamakkiisunik isiginnissinnaassuseqartumik, niuernerpalaartumik eqqarsarsinnaasumik aammalu isertartutta naatsorsuutigisaannik pitsaanerusumik misigisaqartitsinissamut tunniussaqarluni sullissiniarnermik pilersitsisinnaasumik.

Direktørimut nalunaartartussaatitaallutit immikkoortortaqarfiit pingasuusut pisortaaffigilissavatit makku pingaarnertut suleqatigalugit: Iggavimmi pisortaq aammalu cafémi teamlederit marluk. 

Akisussaasuuffigilissavatit Cafétuaq, iggavik aammalu ataatsimiinnernik/ataatsimeersuarnernik ingerlatsinerit.

Qanoq ittuunissat:

  • Akunnittarfinni neriniartarfinnilu aqutsinernik misilittagaqassaatit.
  • Ataatsimiinnernik ataatsimeersuartitsinernillu aaqqissuinernik ilisimasaqassaatit.
  • Aningasaqarnermut tunngasunik malussarissuussaatit missingersuusiorsinnaasuullutillu malittarinnissinnaasuussallutit, aamma suliassanut ilaapput vagtplaniliuussisarnissat akunnernillu atuinernik malittarinninnissat.
  • Aaqqissuussaalluartumik sulisinnaasuussaatit isaatitsissutaasinnaasunullu takorluuisinnaassuseqas-sallutit aammalu imminut akilersinnaasumik piujuaannartitsinerlu aallaavigalugit niuersinnaasuussallutit.
  • Tassa aqutsinikkut isumannaagassarissavatit sullissat pitsaasumik sullinneqarnissaat.
  • Isumassarsiullaqqissuussaatit aaqqiiniallaqqissuullutillu.
  • Tatiginartumik sulisuussaatit tunniutiinnartartuunallu.
  • Attaveqallaqqillutillu oqaloqatiginnillaqqissuussaatit. Attaveqartarnikkullu isumannaarniassavat ulluni ulapaarfiusuni ilaatigut tamaviaarnarsinnaasuni suleqatigiilluarnissap pilersinnissaa.
  • Oqaatsitigut piginnaaneqarluartuussaatit.
  • Spectramik ilisimaarinnikkuit iluaqutaassaaq, nak tamanna piumasaqaataanngikkaluartoq.
  • Avataani avataanullu attaveqarluartuussaatit.
     

Neqeroorutigaagut:

  • Suliffik soqutiginartorpassuarnik imaqartoq ineriartupiloortuusorlu.
  • Suleqatit pikkorissut imminnullu ikioqatigiilluartuusut.
  • Piginnaasat tunngavigalugit aningasarsiaqarneq


Annertunerusumik paasiniaasinnaaneq:
Atorfik pillugu annertunerusunik paasisaqarusukkuit attaveqarfigissavat, pisortaagallartoq Eigil Petersen:  mobil +299 55 22 45 imal. mail ceo@katuaq.gl.

Qinnuteqarnissaq

Atorfimmut piukkunnartuuguit? Taava CV-t qinnuteqaatillu ingerlatikkit kingusinnerpaamik 24. april 2018, uunga nassiullugit: økonomi- og administrationschef Jukku Mølgaard på mail cfo@katuaq.gl.

Katuaq pillugu

Katuaq tassaavoq inuusutissarsiortutut aningaasaateqarfik, Kalaallit Nunaanni Piorsarsimassutsip Illorsua aallaavigalugu kalaallit kulturiannik nittarsaasuusoq nunatsinni aammalu nunani allani, kulturikkut suleqatit suleqasiussallu aqqutigalugit. Katuaq immineq filmertarfeqarlunilu caféqarpoq, aammalu tassaalluni ataatsimiinnernik ataatsimeersuarnernillu tallimanik ullorialigaalluni aaqqissuisartuusoq. Katuamik aningaasalersuisuupput Kalaallit Nunaanni Namminersorlutik Oqartussat aamma Kommuneqarfik Sermersooq. Taaneqartullu saniatigut Katuaq allanik aamma aningaasaliisartoqarpoq, nunarput tamakkerlugu piorsarsimassuseq tunngavigalugu aaqqissuussarpassuarnik tapersersuisartunik.