Katuaq – Kalaallit Nunaanni Kulturip Illorsuaa igaffimmini pisortassamik misilittagartuumik angusaqarumasuusumillu pissarsiorpoq ulluinnarni Cafetuap iggaviani pilersaarusiortuullunilu aqutsisinnaasumik.

Café- aamma Konferencechefi toqqammavigalugu iggaviup ulluinnarni ingerlanneqarnera akisussaaffigissavat tunngavigalugit iggavimmi sulilluarlutik sulisuusut, igasut pingasut igasutullu ilinnniartut sisamat. 

Pisariaqartipparput pisortaq qiimasoq mikisualunnik aamma takunnissinnaasoq, pitsaassutsimillu aalajaatsuutitsiumasuusoq. Kalaallit nerisassaataat sumiiffigisamilu nungusaataanngitsumik ingerlatsinissaq tunngavigalugit sulivugut.

Illit qanoq ittuunissat:

  • Igasutut ilinniarsimasuussaatit akisussaaffeqarnissarlu orniginartuutitarissallugu.
  • Siornatigut assingusunik suliaqarsimassaatit pisortamullu tulliusimasuusinnaallutit.
  • Aqutsineq misilittagaqarfigissavat isumannaarsinnaassallugulu sullissinerup ajunngitsumik pitsaassuseqqarnissaa.
  • Qasujaatsuussaatit ulapporissuullutillu.
  • Akisussaaffigissavat iggavimmi nakkutilliisarnissamut programiliuussinissaq isumannassallugulu sulliviit avatangiisaannut malittarisassiaasut malinneqarnissaat.
  • Aningaasanik aqutsisinnaasuussaatit, aamma sulisunik pisiniarnernillu aqutsisinnaasuussallutit.
  • Aqqissuussaalluartumik suleriaaseqassaatit pilersaarusiullaqqissuussallutillu, aamma sulisut nikittaanissaannik pilersaarusiortarnissat ulluinnarnilu ingerlatsinermi sulisussanik pisariaqartunik pilersaarusiuussisarnissat.
  • Iggavipput ineriartortissinnaasuussavat.
  • Sulisunnut erseqqissumik saqqummiussisartuussaaatit suleqatiginnilluartuussallutillu.
  • Nassaarsiullaqqissuussaatit aaqqiiniutissanillu ujartuillaqqissuullutit.
  • Ilumoortuullutillu tatiginartuussaatit tunniutiinnartartuunallu.
  • Teami-mi suleqataasuussaatit.

Uagut neqeroorutigaagut:

  • Suliffik soqutiginartoq ineriartupiloortorlu.
  • Suleqatit pikkorissut imminnut ikioqatigiilluartut.
  • Piginnaanerit tunngavigalugit akissarsiaqartitaaneq

Allanik paasisaqarusukkuit:

Atorfik pillugu apeqqutissaqaruit, tikilluaqqusaavutit uunga saaffiginninnissamut: Café- og konferencechef Evy Holding, mobil +299 55 46 20 imal. mail konference@katuaq.gl

Qinnuteqarneq:

Atorfimmut piukkunnartuuit? Taamaappat CV-t atofrimmullu qinnuteqaammik nassitsivigisut kingusinnerpaamik 2. maj 2018, uunga ingerlatitsillutit: Økonomi- og administrationschef Jukku Mølgaard mail:  cfo@katuaq.gl

Katuaq pillugu:

Katuaq tassaavoq inuussutissarsiortutut aningaasaateqarfik, Kalaallit Nunaanni Piorsarsimassutsip Illorsua aallaavigalugu kalaallit kulturiannik nittarsaasuusoq nunatsinni aammalu nunani allani, kulturikkut suleqatit suleqasiussallu aqqutigalugit. Katuaq immineq filmertarfeqarlunilu caféqarpoq, aammalu tassaalluni ataatsimiinnernik ataatsimeersuarnernillu tallimanik ullorialigaalluni aaqqissuisartuusoq. Katuamik aningaasalersuisuupput Kalaallit Nunaanni Namminersorlutik Oqartussat aamma Kommuneqarfik Sermersooq. Taaneqartullu saniatigut Katuaq allanik aamma aningaasaliisartoqarpoq, nunarput tamakkerlugu piorsarsimassuseq tunngavigalugu aaqqissuussarpassuarnik tapersersuisartunik.