Naak 2021 aamma ukiuungaluartoq coronamik nappaateqarfiusoq, 2020-misulli pisussarpassuarnik unititsiinnartariaqarfiusimasoq, Katuamut aningaasaqarniarnikkut angusani amingartoorutit ikinnerullutik 55 t. kr-niujupput. Pissutsit tunngavigalugit, angusarineqartut siulersuisut iluarisimaarpaat, naak coronap qaangiutilernerani sinneqartoorsimanissaq kissaatiginartinneqarsimangaluartoq.

Corona peqqutigalugu ukioq 2020 amingartoorujussuarfiuvoq. Taamaattumik Katuap aningaasaateqarfia suli mianersorluni aningaasaqarnikkut ingerlatsisariaqarpoq aamma Katuap nammineq aningaasaataasa sillimmatit ukiuni aggersuni amerliartorteqqinnissaat suliassaralugu.

 

Juaaka Lyberth siulittaasoq nutaaq

Katuami siulersuiortaat 3. juni 2022, inissitsitserlutik ataatsimiinneranni siulersuisut tamarmiusut Juaaka Lyberth siulittaasutut aamma Angunnguaq Larsen siulittaasup tulliatut, qinerpaat.

Katuap siulersuisui ukiunut marlunnut atuuttussatut qinerneqartarput, siulersuisunullu toqqaasinnaatitaasut toqqagaannik ilaasortaqartarlutik. Katuap siulersuisortaavi ukuupput:

  • Juaaka Lyberth, Kommuneqarfik Sermersooq
  • Angunnguaq Larsen, Katuaq
  • Naleraq Eugenius, EPI
  • Leif Saandvig Immanuelsen, Namminersorlutik Oqartussat
  • Anders La Cour Vahl, Visit Greenland
  • Anne Mette Gangsøy, NAPA sinnerlugu taasisinnaanani ilaasortaq

Katuap aningaasaateqarfiani ukiuni marlunni kingullerni siulittaasuusimasoq Anna Heilmann aamma siulittaasup tullerisimasaa Mikael Rasmussen, suleqatigineqarsimalluarnerinut qutsavigineqarput.

Aningaasanik tapiissuteqartartut, tapersersuisut aamma suleqatigineqartartut tamaasa ukiumut 2021-mut Siulersuisut qutsavigivaat. Minnerunngitsumik sulisut 2021-mi Katuamik kusanartumik sullissilluarsimanerinut qutsavigalugit.

Sukumiinerusumik paasisaqarusuttut siulersuisut siulittaasuat Juaaka Lyberth, juaaka@juaaka.gl ; tlf. 54 29 81 -ikkut attavigisinnaavaat.