Tallimanngornermi ulloq 30. juni Nuummi nipilersortartut arlaqartut Katuaq suleqatigalugu  Nuugaatsiami Uummannallu eqqaani malissuup piliaanik ajunaarnersuarmik eqqugaasut ikiorumallugit aningaasanik katersuiniarlutik tusarnaartitsiniarput.

Tusarnaartitsinissami siunertaq tapersersersorumallugu peqataaniartut makkuupput:

Juaaka

Kishima

G-60

Sussat

Qarsoq

Jenseeraq Olsen Band

Kimmernaq & Adam Zikaza

Nipilersortussat Katuallu neriuutigivaat tusarnaartitsinissamut  sapinngisamik inuit amerlasuut tapersersuiartorlutik ornigunniarumaartut.

Tusarnaartitsineq, unnukkut siusissukkut pisussaq aallartissaaq nal. 19 nammassissallunilu nal. 22.30. Tusarnaartitsinermi isissutinit isertitat tamarluinnarmik ikiorniakkanut tutsinneqassapput.