Anna Heilmann Katuami nutaatut siulittaasungorpoq
Katuami siulersuisut ulloq 7. juni inissititerlutik ataatsimiinneranni Anna Heilmann 58-inik ukiulik Kalaallit Nunaanni pisorsarsimassutsip illorsuani siulittaasussatut nutaatut toqqarneqarpoq. Anna ulluinnarni Kalaallit Nunaata Radioani aningaasaqarnermut pisortaavoq aammalu tassani qullersamut tulliulluni. Siusinnerusukkut Katuami Aningaasaqarnermut Alaffissornermullu pisortatut ukiuni 14-ini sulisimavoq.
Anna Heilmann siulersuisuni ilaasortatut Nuuk Tourismimi issianermigut misilittagaqarpoq, EVU diplomlederitut ilinniarsimalluni aammalu HR-Master, mediator uddannelsemik naammassinnissimalluni.
Kommuneqarfik Sermersuumi siulersuisunut nutaamik toqqaariaaseqalerneq tunngavigalugu Ulannaq Ingemann 27-inik ukioqartoq siulersuisunut ilaasortanngortinneqarpoq. Taamatut pisoqarneratigut taarserpaa Uju Petersen, 2013imili siulersusunut ilaasortaasimasoq, qaammatinilu kingullerni arfinilinni siulittaasuusimasoq.
Siulersuisuni ilaasortaalersoq Ulannaq Ingemann, namminersorluni filmiliortartuuvoq Ujavaaq Pictures-imik piginnittuulluni. Ulannaq Ingemann European Film College-imi ilinniarsimavoq 2015-imilu filmiliortartutut film.gl-imit Innersuaq-mik nersornaaserneqarluni.
Taamak ilineratigut siulersuisut ukuninnga inuttaqalerput:
Anna Heilmann, siulittaasoq (Visit Greenlandimit toqqagaalluni)
Ulannaq Ingemann, siulersuisuni ilaasortaq (Kommuneqarfik Sermersuumit toqqarneqarluni)
Arnakkuluk Jo Kleist, siulersuisuni ilaasortaq (Namminersorlutik Oqartussanit toqqarneqarluni)
Rune Collin, siulersuisuni ilaasortaq (Katuami sulisunit toqqagaalluni) )
Toqqaasinnaatitaasut kingullersaat EPI – eqqumiitsuliortut kattuffiat, kingusinnerusukkut toqqaanissaminik naatsorsuutiginnippoq.
Annertunerusumik paasisaqarumasut , uunga saaffiginnissapput:
Siulersuisunut siulittaasoq Anna Heilmann, toqqaannartumik oqarasuaat normu 36 15 32.
