Meeqqanut inuusanik isiginnaagassiaq – Ningyo Japanimi kinguartippoq
Isiginnaagassiaq nuannarineqarluartoq Ningyo Japanimi Katuami takutinneqaqqilerpoq. Siornatigut takutinneqarmat meeqqat inersimasullu 800-t sinnerlugit Ukki Ningyo-llu toornaq Ketsune annanniarlugu Japanimi angalanerat isiginnaariarpaat. Taamaammat nuannaarutigaarput inuusanik isiginnaagassiaq nuannarineqarluartoq takutinneqaqqittussanngormat. Isiginnaagassiaq novemberip 8-ni nal. 11.00 aamma 14.00 Hans Lyngep Inersuani takutinneqartussaagaluarluni decemberip 19-nut kinguartinneqarpoq.
Pilersitsisut Ujarneq Fleischer-ip Naleraq Eugenius-illu isiginnaagassiami immikkuullarissumi suliarilluagaasumilu inuusat inuttallu atorlugit isiginnaartitsipput. Ukki Ningyolu pillugit oqaluttuaq pissanganartoq qullinik, nipinik videonillu kusanartumik malunnartitsisut atorneqarput.
Ujarneq-p isiginnaagassiami aqutsisoq Naleraq Eugenius Japanimi angalaqatigalugu isumassarsiorlutik tigulaarinnillutik isiginnaagassiaq ilusilersorpaat. Kingorna oqaluttuassartaa allappaat, inuusaliorlutik isiginnaagassiarlu aaqqissorlugu.
Isiginnaagassiaq pillugu
Ukki Japanimut tikeqqammerluni kammalaatini Ningyo ilagalugu, Ningyop toornaa Ketsune ujalerpaat. Aqqutaani uumasunik, Japanimiunik naapitaqarput paasillugulu Ketsune arnaqquassaap tigusarisimagaa. Taamaallutik Ukki Ningyolu Ketsune annaanniarlugu paasiniaallutik angalapput.
Isiginnaagassiaq meeqqanut tallimanik ukioqalereersunut naleqquppoq kalaallillu oqaasii atorneqarlutik.
Isissutissat 50 kr.-mik akeqarput Katuamilu saaffiginnittarfimmi imaluunniit www.katuaq.gl -mi pisiassaassallutik.
Ujarneq Fleischer – Isiginnaartitsisartoq, inuusaliortoq, pilersitsisoq
Nukakkuluk Kreutzmann – Isiginnaartitsisartoq
Naleraq Eugenius – Isiginnaagassiami tekniker, tunuliaqutiliortoq, pilersitseqataasoq
Qillannguaq Berthelsen – Nipilersuusiortoq
Tapiisut:
NAPA
Nuuks lokaludvalg
Inuit Quality Clothes of Greenland
Itsumarlo Parlo Studio
