Nalliuttorsiorneq Coronamiillu aniguineq
Ukioq 2022 nalliuttorsiorfiuvoq nunatta kulturikkut illorsua ukiunik 25-liilluni nalliuttorsiormat. Katuaq pisoqarfiulluarpoq aningaasatigullu oqimaaqatigiissumik angusaqarfiulluni. Katuap ukiumoortumik ataatsimiisitsinerani juunip 15-iani tamakku saqqummiunneqarput.
- Ukioq 2022-mi Katuaq ukiunik 25-nik nalliuttorsiorpoq tassuungalu atatillugu pisuni puigunaatsut suleqataasimasunut peqataasimasunullu qujarusuppugut. 2022-mi aamma Coronamiit aniguisutut misigisimavugut. Tassami 2022-p aallartinnerani Corona pititsileraluarpoq qujanartumilli tamanna qaangiuppoq kiisamilu suliagut naliginnaasumik ingerlassinnaaleriartorpagut, pisortaq Arnakkuluk Jo Kleist oqarpoq.
2022-mi Katuamit kulturikkut aaqqissuussat 54-it aaqqissuunneqarsimapput taakkunanilu 70 procentit peqataasunut akeqanngillat. Taassuma saniatugut filmit 108-t takutinneqarput.
Ukiumut naatsorsuutit takutippaat 34 mio. kr.-it kaaviiaartinneqarsimasut 4 t.kr-inillu sinneqartooruteqarluni tamaasillunilu aningaasaateqarfik Katuamut 2022 aningaasatigut oqimaaqatigiissumik angusaqarfiusimalluni.
- 2022-mi aningaasatigut angusat ajunngillat. Kisitsisit takutipppaat ilorraap tungaanut Katuaq ingerlaqqilersoq. Ukiuni siuliini aningaasatigut eqqugaasimaneq pissutaalluni ukiuni aggersuni suli mianersorluni aningaasatigit aqutsisoqarnissaq pisariaqarpoq. Ukiup kingulliup ingerlanerani pisimasunut suliarineqarsimasunullu Katuami sulisunut Katuamullu tapersersuisimasunut siulersuisut sinnerlugit qujavunga, Katuami siulittaasoq Juaaka Lyberth oqarpoq.
Katuap siulersuisui ukuupput:
- Juaaka Lyberth, Siulittaasoq, Kommuneqarfik Sermersooq.
- Leif Saandvig Immanuelsen, Siulittaasup tullia, Namminersorlutik Oqartussat.
- Naleraq Eugenius, EPI.
- Nina Skydsbjerg, Visit Greenland.
- Peter Hendriksen, Katuaq.
- Søren Würtz, NAPA sinnerlugu taasisinnaanani ilaasortaq.
Sukumiinerusumik paasisaqarusukkuit siulersuisuni siulittaasoq Juaaka Lyberth attavigineqarsinaaavoq: 54 29 81
