Qooqqut Festival 2020 isissutissat sukkaannaq nungupallapput
Akunneq ataatsiunngitsorluunniit isissutissat arfininngornermoortut nungupput. Qooqqut Festival 2020-mut isissutissat akeqanngitsut tallimanngornermut arfininngornermullu piumaneqrtupilussuupput.
Aaqqissuussinermi pisortaq, Camilla Høg oqarpoq: ”Nuannaarutigaarput nuummi innuttaasut ilaqutariinnut aaqqissuussarput imigassartaqanngitsoq tigulluarmassuk. Aaqqissuussaq suliarujussuuvoq qaavatigullu aammattaaq Corona-p pinaveerrsaarniarlugu maleruaqqusat killilersuinerillu aqqusaarpagut. Pisortat peqqussutaanut malinnaavugut malinnaajuarlutalu pilersaarutigut ingerlatissavagut”.
Isissutissat tallimanngorneq arfininngornerlu immikkut 250-t agguaanneqareerput, kangerlummi interneqanngimmat qarasaasiaq isissutissanut atortorissaarut nassarsinnaanngilarput. Tamaattumik isissutissanik nassarlutit aggissaatit tajalerneqarlutillu. Tajallit kisimik festivalimi sammisassat peqataaffigisinnaavaat.
Isissutissaik aallersimaguit atorniarnagillu paasigukku, Katuap saaffiginnittarfianut uterteqquneqarput allap atorsinnaaniassammagu.
“Katuamut saaffiginnittoqarsinnaavoq isissutissanillu utertitsisoqarsimappat aallertoqarsinnaalluni.
Qilanaarpugut Nuup kangerluani nuannersunik sammisaqatigiinnissatsinnut”.
Qooqqut Festival pillugu:
- Qooqqut Festival ukiut tallimassaa ingerlanneqalerpoq Katuap aaqqissuussaraa Qooqqut Nuan peqatigalugu.
- Festivaali imigassartaqanngitsumik ingerlanneqartarpoq
- Aaqqissuussanut peqataaneq akeqanngilaq
- Isissutissat akeqanngitsut ulloq 4 aug.-miit aaneqarsinnaalissapput
- Festivaalimut aningaasaliisuupput: Kommuneqarfik Sermersooq, Sermeq Puljen, Nordisk Kulturfond, NAPA, Grønlandsbanken, Tele-Post, Brugseni, Bank Nordik, Permagreen, KK Engros, Stark aammalu Nuuk Imeq.
