Qooqqut Festival isissutissat
Katuap pisortat maleqqusaat maleqqissaarlugit Qooqqut Festival aaqqissuuppaat. Tassa katersuussinnaasut amerlassusaata killilerneqarnera maleqqissaarlugu pivoq.
Taamaammat ukioq manna festivalimut peqataasinnaasut killeqartinneqartariaqarlersimapput. Tassa annerpaamik ullormut inuit 250-it isersinnaatitaassallutik kisimi.
Ullormut ataatsimut isissutissat kisimi aaneqarsinnaassapput Katuap saaffiginnittarfiani.
Isissutissat tusarnaartitsinernut, pikkorissaanernut allanullu pisussanut atorneqarsinnaassapput.
Isissutissat akeqanngillat, aggustillu 4-ni Katuap saaffiginnittarfianut aaneqarsinnaanngussallutik.
Isissutissanik inniminniisoqarsinnaanngilaq.
