Siullermeertumik takutitsinermi ilitsersuisumik tikeraartoqarneq isiginnaagassaq Vores Mand i Amerika
Filmiliornermi ilitsersuisoq Christina Rosendal taavalu filmiliornermi aqutsisoq Jonas Frederiksen Nimbus Film-miik isiginnaagassiap Vores Mand i Amerika Katuami takuteqqaarneranut peqataalerput ulloq 10. september nal. 18.30.
Filmi naappat ilitsersuisoq apeqqarissaarfigineqarsinnaavoq filmip suliarineranut tunngasunik.
Isissutissat Katuap saaffiginnittarfiani nittartakkamilu pisiassaalereerput www.katuaq.gl
Filmi pillugu
Ulloq 9. april 1940 Danmarki sassunneqarpoq Tysklandimiit nazistiusumik aqunneqartumiik ingerlaannarlu piumasaqaateqanngitsumik tunniutiinnaqqusaallutik. Nunami aqutsisut tunniutiinnarput nazistillu suleqatigilerlugit. Nunarsuulli akiani sanskit nunamut allamut aallartitaat Amerikami issiavoq, sapiitsuliortartoq qunugisaqanngitsoq nunarsuarmioqataarpaluttumik pissusilik Henrik Kauffmann ersissuteqarani iliuuseqarsinnaasoq. Tyskit piumasaat malikkumanngiluinnarpai akerliuninilu aallaavigalugu pilersaarusiorpoq Hitler ajugaaffigerusullugu, inuiaallu danskit pituttorsimaffiunngitsumik inuuneraq uterteqqinniarlugu.
VORES MAND I AMERIKA qallunaanik, amerikarmiunik tulunillu inuttaqarpoq, soorlu Ulrich Thomsen siuuttutut inuttaavoq, ikiortaallunilu Mikkel Boe-Følsgaard- inatsisilerituutut Povl Bang-Jensen-tut. Aammattaaq ilaapput Denise Gough Kauffmannip nuliatut Charlottetut inuttaasoq, Zoë Tapper Charlottes qatanngutaa Zilla-tut aammalu Henry Goodman, Nicholas Blane-lu Franklin D. Roosevelt-tut Winston Churchill-tullu inuttaallutik
