Siunissamut toqqortaq

Ammagassaq taanna 2047-mi Katuaq ukiunik 50-inngortorsiuilerpat ammarneqartussaavoq, imarisaalu assigiinngisitaartut takussutissiaapput Katuaq inuiaqatigiillu ukioq 2022-mi qanoq atugaqarsimanersut. Poortorlugu toqqugassap imarisaasa ilaat “Uummatip Inaa” pillugu sammisaqartitsinerup nalaani Katuamut isertartut sanaaraat.

• Siunissami ammagassanngorlugu toqqorsisarneq ileqqutut eqqumiikujuppoq. Ullumikkut pisut aallaavigalugit siunissaq pillugu isumaliutersuutit takorluukkallu toqqorneqartarput. Neriuutivut takorluukkavullu pillugit ukiut 50-it qaangiuppata ammagassanik oqariartuuteqarnissamut peqataanissamut pilerisuttoqarsimaqaaq. Taamatut isertartuvut ukiunik 25-inngortorsiuigatta eqqaassutissamik ataavartussamik aatsaallu ukiut 50-inngortorsiulerpata ammarneqartussamut ilapittuuteqarlutik akuutinnissaminnut periarfissinneqarsimapput. 2047-mi nalliuttorsioqqilerutta ammaanissarput qilanaarnarpoq! Uummatip Inaa-nik aallussisunut Lars Kjærimut Anders Zeebimullu qujavugut, taama oqarpoq Lisbeth Karline Poulsen, Uummatip Inaani eqqumiitsuliortutut peqataasut ilaat.

Siunissami ammagassaq qilaatitut qisummik sanaajusutut ilusilersugaavoq, Katuamilu Cafétuap eqqaanut nivinngarneqarpoq. Sumerpiaq imaqarnersoq aatsaat 2047-mi ammarneqalerpat paasinarsissaaq.

• Taamatut siunissamut ammagassamik toqqorsilluni eqqumiitsuliortut isumassarsiarisimasaat pitsaviuvoq. Ukiuni 25-inngortorsiornermut tunngatillugu ukiut 25-t qaangiuppata siunissamut tunissutissamik ammagassiisimanerat nuannerluinnarpoq. Pissanganassaaq taamanikkussamut ukiut 25-t qaangiuppata ammagassaq ammarneqarpat Katuaq inuiaqatigiillu qanoq atugaqalersimanersut takussallugu, pisortaq Arnakkuluk Jo Kleist oqarpoq.

Asseq: Siunissami ammagassaq Katuami nivingasoq assimi takuneqarsinnaavoq, isertullu tamarmik takusinnaavaat.

Assiliisoq: Katuaq

Annertunerusumik paasisaqarusukkussi attavissaq:

Arnakkuluk Jo Kleist, ceo@katuaq.gl iml. 547854