Virtual Reality Katuami

Saqqummersitsinerup piffissamut utertissavaatit Qallunaatsiaat Kalaallit Nunaanut tikeqqaarneranut.

Isarussat Virtual Reality atorlugit takusinnaavatit misigisinnaallugillu qallunaatsiaaq nunatta kujataani inuuneqarnersut. Soorlugooq nammineq tassaniilluni, Norde Theme Parks Trida Media-lu suleqatigalu pilersitat isiginnaaraanni piviuvoq piviusuusaartitarlu ataatsimuuleraangata.

Aqqutaani piffiit Unesco-miit eriagisassatut nalunaarsuusikkat, ukiut 1000-liit pisoqaassusillit takuneqarsinnaapput.

The Lost Norsemen misissorpaa qanoq aammalu ilumut qallunaatsiaaq, vikinngit Kalaallit, innutaasunut akulerussimanersut aammalu tamanna qanoq kinguneqarsimanersoq.

Saqqummersitap aamma tikitsiarpaa nunat avannarliit oqaluttuaatai Kalaallit oqaluttuaataanut attuumassuteqarnersut.

Katuap pisortaa Arnakkuluk Jo Klesit oqaluttuarpoq:
”Katuamiit periarfisseerusulluta siunniussimavarput isumaratta nunatta oqaluttuassartaasa ilaat pissanganartumik atortorissaarutitigut takutinniissaa. Neriuutigaarput saqqummersitami atorturissaartumi meeqqat inersimasullu alapernaallisissallugit saqqummersitallu nuannersumik misigineqarnissaa pulaartunut tamanut. Saqqummersitsisut qujaffigaagut, immikkullu aallarniisoq Peter Franklin”.

  

Saqqummersitaq pillugu:
The Lost Norsemen - Qallunaatsiaat tammarsimasut, Katuami 17 november-10 december 2020 tungaanut takuneqarsinnaavoq, alakkarneqarsinnaavoq ullut tamaasa nal. 11-19 akornani.
Saqqummersitsineq piviusunngorsinnaasimavoq uku suleqatigalugit Katuaq, Royal Arctic Line, Air Greenland aammalu NAPA – Nordens institut i Grønland.

Norse Theme Parks ApS pillugu
Norse Theme Park takorluukkatut anguniagarivaa nuannaariarfiit misigisassarsiorfiillu sanaartorusullugit nunat avannarliit oqaluttuassartai aallaavigalugit, ileqqutoqqat, piviusut oqalualaat aammalu piviusuusaartitat ataatsimut takutinneqarneri virtuel rality atorlugu.