Katuami aaqqissuussinermut pisortaq nutaaq tassaavoq Marianne Nielsen Apaloo
Katuap aggustip aallaqqaataani aaqqissuussinermut pisortartaassaa nutaaq tassaavoq Marianne Nielsen Apaloo, ulluinnarni Varnamik taaneqartartoq.
Varna ukiuni kingullerni Kommuneqarfik Sermersuumi (Tasiilami) Peqqissutsimut, Pitsaaliuinermut Sunngiffimmilu pisortatut sulisimavoq, tassanilu ilaatigut kulturimut tunngasunut akisussaasuusimalluni. Varna ingammik bluessimik erinarsortartutut nipilersortartutullu ilisarisimaneqarpoq, nipilersortartuuninilu aqqutigalugu piffippassuit tikissimavai.
Varna erinniortutut/taalliortutut, guitaarertartutut, inngertartutut, isiginnaartitsinermi suliatigut aamma kulturikkut pikilialaartitsinermi suliniutinut aqutsisutut siammasissorujussuarmik misilittagaqarpoq. Taakkua saniatigut Niuernermik Ilinniarfimmit eqqartuussissuserisut allattaattut, eqqartuussisutut aamma psykoterapeutitut ilinniarsimavoq. Varna maanna siunnersuinermik imaqartumik masterinngorniarluni atuarpoq.
Taamaasilluni aaqqissuussinermut pisortaq nutaaq suliffigisimasamigut, ilinniakkamigut kiisalu oqaatsit pingasut pitsaasunik misilittagaqarnermigut tunuliaqutarissaarpoq, suliffimmilu Katuami-Kalaallit Nunaanni Kulturikkut Illorsuarmi aggustimi aaqqissuussinernut pisortat suliffik unammillernartoq pissanganartorlu atorfigilissavaa.
Paasissutissani sukumiinerusunik uunga pissarsiniartoqarsinnaavoq:
Marianna Varna Nielsen Apaloo, telefon 36 77 31
Pisortaq Julia Pars, telefon 36 37 71
