Katuami pisortaq nutaaq
Arnakkuluk Jo Kleist 33-inik ukioqartoq,1. juni 2018-imiit Katuami nutaatut pisortanngussaaq. Arnakkuluk maanna TELE-POST-imi avammut attaveqarnermut pisortaavoq, tassanilu 2016-imiilli issiasimalluni.
Arnakkuluk ilaatigut ilisarisimavarput Arctic Winter Games 2016 (AWG2016)-imiinneranit, tassani AWG2016-ip allattoqarfiani pisortap tulliatut sulimmat. Arnakkuluk Jo Kleist Roskildip Universitetiani Kommunikation og Kultur- og Sprogmødestudiet tunngavigalugu kandidatiuvoq, ilinniagaanilu qitiusimapput piorsarsimassutsimut kinaassutsimullu tunngasuteqartut.
Siulersuisllu Arnakkuluk ilaatigut makku peqqutigalugit toqqarsimavaat:
- Siunissamut Takorluuisinnaassuseqarluni pisortaasinnaammat*
- Isumassarsiullaqqissuummat aammalu nutaanik eqqarsartuummat
- Attaveqallaqqissuummat/kinaassuseqarluarluni inuullunilu avammut erseqqaarissuusoq
- Kalaallit kulturiannik soqutiginnilluartuummat
- Avammut attavigissaartuummat aammalu aningaasassarsiuillaqqissuulluni
- Siulersuisuni suliaqarnermik misilittagaqarmat
- Siulersuisut Arnakkuluk-p ulluinnarni ingerlatsinermut akisussaasuulerluni periusissanillu nutaanik suleqatit peqatigalugit ilusilersuilerlunilu pisortatut inginnissaa qilanaarivaat. Aammalu siulersuisunit isumalluaatigineqarpoq Katuamut piginnaanerminik iluaqusiilluni tunniussuilernissaa, soorlu avammut attaveqarnerit il.il eqqarsaatigalugit.
Arnakkuluk Katuami siulersuisuinut 2017-imiilli ilaasortaalerpoq, Namminersorlutik Oqartussat toqqagaattut issialluni. Tassanilu issiavia allamik inuttalerneqassaaq.
Katuami siulersuisut sinnerlugit
Anna Heilmann
Siulittasoq
Email: anh@knr.gl
Mobil: 555145
Arnakkuluk Jo Kleist uku aqqutigalugit attaveqarfigineqarsinnaavoq:
Email: arnakkuluk@gmail.com
Mobil: 547854
