Ukiumut pissanganartumut qujanarujussuaq

Aningaasaateqarfik Katuamut ukioq 2018 pisoqarluarsimavoq inerneqarluartutut nalilerneqarluarsinnaasoq.

Ukiumut naatsorsuutit siulersuisunit akuerineqaqqammerpoq 757 t.kr-inillu sinneqartooruteqarluni.  Taakkunani 400 t.kr. Katuap ukiunik 25-nik nalliuttorsiornissaanut immikkoortinneqarlutik. Ukiumut kaaviiartitat inerneraat 39,2 mio. kr., taakkunanilu Namminersorlutik Oqartussat aamma Kommuneqarfik Sermersooq katillugu 9,8 mio. kr.-inik tapiisimallutik.

Kaaviaartitat ukiup siulianut sanilliutissagaanni siuariarsimavoq, Cafétuaq aamma filmertarfik aningaasatigut annermik siuariaateqarsimallutik.

Pisoqarluarsimavoq
Katuaq 2018-imi kulturikkut aaqqissuussanik 104-nik amerlassuseqarput, filmertarfimmilu takutitassiat 175-it takutinneqarsimallutik.

  • Katuap aaqqissuussaaneranut 2018 pisoqarlualaavissimavoq. Juunip aallaqqaataani pisortaq nutaaq, Arnakkuluk Jo Kleist, sulilerpoq, saniatigullu atorfinni pingaarutilinni sulisut taarseraassimallutik. Sulisut assut nersualaarusuppagut, naak pissutsit allanngorarnerisa nalaanniikkaluarlutik inernerit kusanartut anguneqarput, Katuap siulersuisuini siulittaasoq Anna Heilmanni oqarpoq.
  • 2018-imittaaq aamma 2020-p tungaanut periusissiaq atuutilerpoq, tamannalu malillugu sulisut anguniagaqarlutik sulisimapput sulilu sulillutik. Anguniagassat ilaraat nunatsinni nunanilu issittuni kulturi samminissai, tamannalu aamma 2018-imi pisimasuni takuneqarsinnaalluni, Anna naggaserluni oqarpoq.

Katuaq sumiiffinni assigiinngitsuni pititsisoq 
2018-imi aaqqissuussat uku sumiiffinni assigiinngitsuni takutinneqarsimapput:

  • Isiginnaagassiaq AningaannguaqAasianni, Paamiuni, Tasiilami Maniitsumilu takutinneqarpoq.
  • Moussa Diallo Trio Kangerlersuarmi tusarnaartitsivoq.
  • Qitimmik festivali OutervisionManiitsumi, Kangaamiuni, Kulusummi Tasiilamilu aaqqissuunneqarpoq.
  • Cirkusimik isiginnaagassiaq Sirkus Islandsimit takutinneqarpoq Sisimiuni takutinneqarpoq.

Qujanaq  
Qujassut annertooq Katuap suleqataanut, tapiisuinut minnerunngitsumillu sulisuinut ingerlatinneqarpoq. Taakkummi pisuullutik kingumut Katuami aaqqissuussat assigiinngitsorpassuit pisinnaasimammata.