TAKUUK KALAALLIT NUNAAT 1930-KKUNNI
Tamanna pissaaq Katuap Inersuaaraani ataasinngorpat septembarip 16-iat, nal. 19-21, aaqqissuussami Ileqquvut – Inuit Traditions-imi. Immiussani nipaqanngitsuni Kalaallit Nunaata oqaluttuarisaanera, kultooria ineriartorneralu immiussani annermik sammineqassapput. Assersuutigalugu takutinneqassaaq kalaallit 30-ikkunni innarsiorlutik nammineq atortuliatik atorlugit mannissartarnerat, atuarfeqarfiit ingerlanneqarnerat, kalaallit aamaruutissarsiorfimmi qaarsunnilu sulisarnerat, allallu 1930-ikkunni Kalaallit Nunaanni suliffeqarfiit ulluinnarsiutillu.

JETTE BANG
Assiliisoq, ilitsersuisoq, etnografi. Inuusoq februaarip 4. 1914 – toqusoq februaarip 16. 1964.

Jette Bang Christianshavnimi Københavnimi peroriartorlunilu inuunini sinnera najugaraa. Tasamani Grønlands Handels Pladsimiit aamma Trangravenimiit umiarsuit nunatsinnukartartut malinnaaffigisarsimavai, tamannalu inuuneranut assut sunniisussanngorsimalluni. 1932-mi ilinniakkani ”nysproglig” inerpaa kingornalu universitetimi filosofikum ilinniarlugu aallartillugu. Kingorna ukiut pingasut nittarsaassisarfiutilinni Jonals Co-mi assiliisutut ilinniareerluni assiliisutut 1935-mi naammassilluni.

22-nik ukioqarluni assiliisutut ilinniagaqalernermi kingorna nunatsinni inoqarfiit assiliartorniarlugit isumassarsiani Grønlands Styrelsen-imut annguppai. Paasitinneqarpoq aningaasaliiffigitinnani nammineq akilerlugu angalassaguni akuersissummik pissasoq. 1936-mi qaammatit 8 nunatsinni ileqqutoqqat atorlugit piniariutsit inooriaaserlu suli atuunnerini assiliortorpai. Assit 400-t nassarlugit Danmarkimut angerlarpoq, kingornalu assit Kunstindustrimuseet-imi saqqummersillugit.

1937-mi filmiliani siulliit immiukkiartorlugit Kalaallit Nunaannut uterpoq – taakkualu unnummut takutinneqassallutik. Filmiliat minutsit 5-10-llu akornanni takissuseqarput.

Takkuttunut kissartutugassaqarumaarpoq

Iserneq akeqanngilaq
16. September 2019
Katuap inersuaaraani

Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu