Ullut

Sumi: Foyer 500
Ulloq:
Pisigit
Sumi: Foyer 500
Ulloq:
Pisigit

Josef Tarrak – Nipilersukkat aallaavigalugit isiginnaagassiaq
Kina inuiaqatigiinni ataataasutut inissisimava?
Inuiaqatigiinni ataataasutut inissisimasoq akisussaanermik tigumminnippa?

Isiginnaagassiaq pilersitaavoq Pipaluk Kreutzmann Jørgensenimit Josef Tarrak-Petrussenimillu Katuaq suleqatigalugu, sammineqarpullu ullutsinni Kalaallit Nunaanni sammineqartut.

’Josef Tarrak’-mi pineqarpoq marloqiuvsaasumik angutip inuusuttup inuunera. Josefitut suut aqqusaartorsimagai – isorinnippalaartumillu sammineqarluni eqqumiitsuliortutut Tarrak-mik ateqarnera. Taanna ataataata najuuttuunngitsup aamma kinguliaqutigivaa, najuutinnginneralu Josef Tarrak-p ataataqannginnerunerunersoq apeqquserpaa.

Isiginnaagassiap aallavigivaa Josef Tarrak-p immiussaq saqqumersitaa nutaaq, tassanilu inuunermini ingerlavigisai akissutissanillu ujarlernera eqqartorneqarput, ujarneqarluni qulaaniit ammut isigisoq kinaanersoq. Taanna ataataginerpaa? Taanna Guutiunerpa? Taanna inuiaqatigiiunerunerpa? Kia taanna aquppaa? Immineq malersuisuminik ilumiiniititaminik aqunneqarpa imaluunniit allanik nutsuisoqarpa?

Josef Tarrak-Petrussen Nanortalimmi ukioq 1998 inunngorpoq, tassanilu ukiuni siullerni anaanani aapparisaalu marokkomioq inooqatigalugit. Ataatsimik ukioqarluni angajoqqaani avimmata Josef anaanani peqatigalugu Danmarkimi nunatsinnilu nuuttaqattaartarsimapput. 2016-imi immiussisitsisartoq Aqqaluk Berthelsen rap-ertartorlu Peter Lyberth naapippai, tamannalu inuusuttumut rappertartumut pineqartumut inuunermik nutaamik soqutiginartumillu aallartitsissutaavoq.

Josef Tarrak nipilersoriaatsimigut tupinnartumik eqquivoq suliaalu inerisimaarpaloqaat. Taalliani atorlugit akisussaassuseqarneq nalilersuiffigisassanngortippaa. Nunagisani apersuuserfigivaa, takuillugulu avataanit pitsaasumik takunnissinnaassutsini. Kinaassutsinilu taalliamigut takutippaa suleqatigalugit immiussisitsisoq Peter Lyberth aammalu Aqqalu Berthelsen. Peqatigiillutimmi nunatsinni rap-ertarnerup iluani nutaaliaasunik takutitsipput, maanna nipilersukkat aallaavigalugit isiginnaagassiaasumi.

Ilitsersuisoq: Pipaluk K. Jørgensen
Isiginnaartitsisut: Aqqalu Berthelsen, Ujarneq Fleischer aamma Josef Tarrak-Petrussen

Sumiiffissaq: Katuap paarlersuani
Isernermi aki: 50 kr.
Ukiqqortusseqarnissaq: 11+