Ullut

Sumi: Paarlersuaq
Ulloq:
Pisigit
Sumi: Paarlersuaq
Ulloq:
Pisigit
Sumi: Hans Lynge Sal
Ulloq:
Pisigit

Tallimanngorneq ulloq 28. september: Nipilersukkat siammasissutgsimikkut tamanut naleqquttut

Unnuk 18-it sinnerlugit ukiulinnut naatsorsuussaavoq, Tuborgilu aggersunut siullernut 100-ut baajamik tunniussiniarpoq.

Nick Ørbæk
Februarip qaammataagaa Nick Ørbæk immiussaminik siullermik, erinnanik tusariminartunik akoqartumik, saqqummiussaqarpoq. Nammineq aaliangiussani malillugu Nick Ørbæk ukioq manna ataasiaannarluni saqqummiussinerminut atatillugu tusarnaartitsisimavoq tassa Akisuanerit Festival utaqqerusussimagamiuk. Nick angutaavoq inuusuttoq tusaruminartunik appisimaartartuusoq siornalu KODA-p nunatsinni nersornaasiuttagaanut innersuussutigine-qarsimavoq. Nickip saqqummiussaa nuannarigaanni tusarnaartitsisoq takusariqarpoq, tusarnaartitsigaangamimi nuannernerpaajusarpoq. Pikkorissunik tusarnaartitsillaqqissunik nipilersoqateqarpoq. Eqqumiiginanngilaq Nick Ørbæk Akisuanerit Festivalimik aammasuutinneqassammat. Nickilu tupaallaatissamik pisoqassasoq neriorsuinikuuvoq – tusarnaarianngitsoorniaqinasi!

Rasmus Lyberth
Rasmus Lyberth tamatta kinaasoq nalunngilarput. Amerlanngitsummi peqatigalugit erinarsortartuuvoq nunani allani aamma ilisimaneqartuusoq. Ukioq manna Akisuanerit ukiunik qulinngortorsiortussaavoq, taamaattumillu naleqqutsissimavarput Rasmusip appisimaartussanut ilanngunneqarnissaa. Tassami ukioq 2008 siullermeerluta Akisuarnerit Festival ingerlakkatsigu peqataanikuuvoq. Rasmus erinarsortartuuvoq piginnaanilissuaq Katuallu paarlersuani nipilersortartunilu erinnaatini nuannarineqarluartut appisimaassavai. Ilisarisimagaannilu naatsorsuutigineqassaaq uummaareqaluni-aasiit tusarnaartitsiumaartoq. Sapaatikkullu Rasmus kisimilluni Inersuarmi appisimaartoq tusarnaarneqarsinnaassaaq.

Paninnguaq Jensen
Paninnguaq Jensen ukiut arlaqalersut matuma siorna siullermeersumik immiussaminik saqqummiussaqarpoq, tunisaalluaqisumik. Siornalu ukiup naalernerani nutaamik immikkuullarilluinnartumillu saqqummiussaqaqqippoq.
Paninnguummi immiussai KNR-ip oqaluttuarisaanerani tusarumaneqarnerpaajupput. Immiussanullu saqqummersitsisarfiup Atlantic Music saqqummersitsinermiit qaammatit marluk qaangiutiinnartut, soqutigineqarluarluni tunisaangaarmat, CD-nik naqitertitseqqittariaqarsimavoq, tamannalu ullutsinni nalinginnaasuunngilaq. Nipaatami immikkuullarissup nunarput assut tiguarpaa. Erinnat qiimanartut taallallu tiguartinnartut nuannerineqarnerani aallaaviupput. Paninnguaq Jensen tusarnaarianngitsuugassaanngitsut ilagivaat.

Mads Grønvold / ULLORISSAT
Mads Grønvold Ullorissallu qaqutiguinnaq Nuummi tusarnaartitsisarput. Arlaqartunik nunatsinni, tusarumaneqarluarnerpaanut ilaasunik, saqqummiussaqartarnikuupput, soorlu assersuutigalugu radiukkut tusakulanaqisoq ”Itsilitaa”. Sussat taanna aamma immiunnikuuaat, taamaakkami nuannerineqavissorsuuvoq. Mads Grønvold erniaaterpassuaqarpoq, nunatsinni assut nuannarineqartunik, Ullorissallu peqatigalugit nunatsinni nuannarineqarluarlutik annertuumik tusarnaartsisarlutik angalasarsimapput. Nipilersoqatigiit nuannersut taakku Qasigiannguaneersuupput. Mads Grønvildilu unnummik naggaasiisuussaaq.

Arfininngorneq ulloq 29. september: Rock Night – Unnuk Rockimik aappisimaarfik

Unnuk taanna 18-inik ukioqalereersimasuniit qummut naatsorsuussaavoq. Tuborgilu aggersunut siullernut 100-ut baajamik tunniussiniarpoq.

Sound of The Damned

Sound of The Damned – atiat tusaannarlugu paasinarsereersutut ipput. Metalimik sakkortoorsuarmik nipilersortartuupput. Siorna illoqarfigisaminni nipilersornermik unammisitsinermi ajugaapput Aalborgimullu tusarnaartitsiartortitaallutik. Nipilersoqatigiit rockimik sakkortungaatsiartumik pikkoreqalutik nipilersortarput. Nipilersullammaat unnummi tassani aamma nipilersortussaqqissuusut.

D-A-D aamma Dizzy Mizz Lizzy appisimaalertinnagit Sound of The Damned unnummik ammaasuullutik appittuussapput.

D-A-D
D-A-D, Dizzy Mizz Lizzylu Damarkimi nipilersortartut akornanni tusaamasaanerpaanut ilaapput, nuannarineqarluartunillu amerlaqisunik saqqummiussaqartarnikuullutik. Danmarkimi nunanilu allarpassuarni tusarnaartitsillutik angalasarnikooqaat. Kingullermik ukiut 10-t matuma siorna D-A-D Nuummi tusarnaartitsinikuupput. Nipilersoqatigiillu taakku nuannarineqartuarlutiik 11-nik immiussaminnik saqqummiussaqartarnikuupput. Tusaamasaassutaannullu ilaavoq scenemi alutornatumik takutitsisarnera.. Qularutissaanngilarlu nipilersoqatigiit nunatsinni takunneqqinnissaminnik qilanaartunik aamma nuannarinnitserpassuaqarmata.

Dizzy Mizz Lizzy
Dizzy Mizz Lizzy D-A-D-lu Danmarkimi nipilersortartut tusaamaneqarpaat ilagivaat. Tamannalu uppernarsivaat ukiorpaaluit uninngareeriarlutik iluatsilluaqisumik aallarteqqikkamik. Maannalu tassa Nuimmukalerput qanittukkut nutaamik immiussaminnik saqqummersitsereerltuillu. Ilimanarpoq siusinnerusukkut saqqummiuttarsimasaanni erinarpassuit tunisaajumaarumaartut, kisiannili aamma qilanaarnaqaaq sanaavisa nutaat tusarnissaat. Dizzy Mizz Lizzy isiginnaariarneqarnerpaasartuni siuttuupput akuttunngitsumillu Japanimut tusarnaartitsiartortarlutik. Dizzy Mizz Lizzy 2015-imi Akisuanermi peqataapput peqataasunilu, nipaat isiginaartitsinerallu eqqarsaatigalugit, puigunaanerpaanut ilaallutik, taamaattumik ukiunik qulinngortorsiornissamut nipilersortussanik katiterisunit aggerteqqinnissaat akunnattoorutigineqarsimanngilaq. Appikkunik nuannissaqaat, tassa D-A-D-kkut tusarnaartitsinerisa kingornatigut festival-ip ulluanik tassannga matusilerunik.

Sapaat ulloq 30. september: Qanilaassuseqartumik tusarnaartitsineq

Unnuk taanna kikkulluunniit isersinnaatitaapput. Unnullu sakkortusaaffilersorani nipilersornerussaaq.

Rasmus Lyberth
Rasmus Lyberth kisimiilluni tusarnartitsigaangami imaannaanngittaqaaq. Unnullu taanna taamatut kisimilluni Inersuarmi tusarnaartitsissaaq. Ilisimaarinnittummi ilarpassui oqartarput Rasmus kisimiikkaangami nuannernerpaajusartoq. Aqqissuisullu Rasmus Lyberth immikkuullarilluinnartutut isigigamikku marloriarlugu appisimaartinniarpaat, tassa tallimanngornikkut Paarlersuarmi sapaatikkullu Inersuarmi.

Tiu
Tiu, nutaajukannerpoq, siornalu sallaatsumik nipilersorluni immiussaminik kusanaqalunilu nuanneqisumik saqqummiussaqarpoq. Erinarsortartorlu Pernille allanit allaannerusumik erinarsoriaaseqarpoq Ivik-llu guitarertorigaangamiuk pitsaanerpaasarluni – ingammillu naalaarluartunik tusarnaartoqarluartilluni. Immiussaa siulleq nersorneqaqaaq Pernillellu nipaa alutorineqaqaluni aamma annertuumik nersorneqarluni.

Tim Christensen
Tim Christensen arlaleriarluni Akisuaneq Festivalimi peqataasarnikuuvoq, kisimiilluni ilaatigullu Dizzy Miz Lizzy-ikkunni nipilersoqatini peqatigalugit. Sapaatikkullu kisimiilluni appisimaariartussaaq. Isumaqarpugullu Tim-ip sapaammi, taamallu ulluni tusarnaartitsiviusuni, naggasiisuutinnissaa tulluartuusoq. Taamallu tassa ukiut qulinngortorsiorluni aaqqissuineq kusanartumik naammassineqassaaq.

     

TAK: Isissutissat utertinneqarsinnanngillat