Ullut

Sumi: Paarlersuaq
Ulloq:
Pisigit
Sumi: Paarlersuaq
Ulloq:
Pisigit
Sumi: Hans Lynge Sal
Ulloq:
Pisigit

AKISUANERIT FESTIVAL 2019
Oktober 4. - 6.

Atlantic Music-imit Katuaq suleqatigalugu aaqqissuunneqartoq
Pisussami pingaarnertut tunuliaqutsiisoq: Tuborg.

Pisussami peqataasut allat:  Nønne, Air Greenland, Sømandshjemmet Nuuk, Bones, Ulo Rengøring, Salon Puk, Nuuk Water Taxi & Pisiffik.

Aliikkusersuisut akunniliisuat: Angajó L. Sandgreen

Tallimanngorneq 4. oktober
Nal. 21.00 - 02.30
Iserneq: 350,-
Matumi: 400,-
Ukiut: 18+
Katuap paarlersuani

Miké Thomsen
(Special guest)
Ulf Fleischer/Paarisa Band
Zikaza
Enok Poulsen m. Band

Arfininngorneq 5. oktober
Nal. 21.00 - 02.30
Iserneq: 350,-
Matumi: 400,-
Ukiut: 18+
Katuap paarlersuani

 Adam & Kimmernaq
(Special guest)
Nanook
Julie

Sapaat 6. oktober
Nal.
20.00 - 21.00
Iserneq: 200,-
Hans Lyngep inersuaani

Miké Thomsen
Rasmus Lyberth

Isissutissat utertinneqarsinnaanngillat


ANGAJO L. SANDGREEN
Angajó festivalimi peqataajuaannangajattuuvoq. Ukioq mannalu akunniliisartuulluni peqataaqqissaaq, unitsiarnerni aliikkusersuisarluni pisussallu ingerlannerinik aqutsisuussalluni. Ukiuni klingullerni arlaqartuni pikialaartitsineq siammasissunngortittarsimavaa aammalu puigunaatsunik misigisaqartitsisarsimalluni. Pissanganarpoq ukioq manna qanoq takutitsiumaarnersoq takussallugu.

MIKE THOMSEN
Miké Thomsen nunatsinni saqqummersartut alutornartut ilagivaat taamaakkamilu nunatsinni ”erlinnartuutit” ilagivaat. Isiginnaartitsisartuullunilu filmiliaritittartuuvoq, nipilersortartutullu aamma ilisimaneqarluarpoq erinniortutut allallu suliaannik saqqummiussisartutut. Miké Thomsenilu ukioq manna Akisuaneq Festivalimik ammaasuussaaq guitarini ingiortigalugu erinarsorluni, erinarsornissaq immikkut aggersakkamuttunniutsinnagu. Sapaatikkut, Hans Lyngepo Inersuaani, Rasmus Lyberth tusaamaneqaqisoq , appitsinnagu Miké Thomsen aamma takutitsissaaq, tassani piareersimaffigine-qassaaq inngerlunilu guitari erinarsornerlu nalinginnaasuunngitsumik nipilerlugit immikkuullarissumik takutitsissammat. 

RASMUS LYBERTH
Rasmus Lyberth Kalaallit Nunaanni saqqummersartut nuimanerpaat ilagivaat, angut immikkuullarilluinnartumik nipilik. Tusaamaneqaatigai misigissuseqaqa-luni tusarnaartitsisarnini, pinerillu tamaasa tunniusimalluinnarluni tusarnaartitsisarpoq. Siorna, tusarumaneqarnerujussua peqqutigalugu, aamma festivalimi peqataatinneqarpoq, tassalu aamma ukioq manna peqataaqqittussatut aaqqissuisunit toqqarneqarsimalluni.  Maannalu saqqummersitassamik nutaamik immiussilluni sulivoq, taamaammallu ilimanarpoq nutaanik tusartitaqarumaarsinnaanera.

Erinaatini nuannarineqaqisut Hans Lyngep Inersuaani, Miké Thomsen naammassippat, appisimaarumaarpai. Rasmus Lyberth pitsaanerpaasarpoq – issiasunit tusarnaarneqaraangami, ilami takutitsisarnera alutornartaqaaq, pugigunaalluinnartuusarluni.

ULF FLEISCHER/PAARISA BAND
Ulf Fleischer 2014-imi Akisuaneq Festivalimi peqataavoq, aatsaallu maanna tassa peqataaqqissalluni. Erinarsortagai nuannarineqaqisut allanngujuitsuupput, Miké Thomsenilu immikkullu aggersitaaappisimaareerpata, nipilersoqatini Paarisa-Band peqatigalugit tusarnaartitsissaaq. Ulf Fleischer tusarumaneqartaqaaq aallarteqqikkamilu assut tusarnaarrtitsineri ornigarneqartarlutik. Appisimaarniarpai erinnat Paarisameersut kisimiillunilu appisimaartakkani, taamaammallu isiginnaartussat qilanaarutissaqaqaat. Ulf Fleischer puigunaatsumik tusarnaartitsisartut ilagivaat, ukioqqortussitsimikkullu niikingaqisunit nuannarineqartuulluni. Immaqa Paarisa-Band peqatigalugu appippat Katuap Paarlersuani erinarsoqataasorpassuaqartarumaarpoq.

ZIKAZA
Zikazasakkut ukiut ingerlanerini festivaleqartitsisarnerni arlaleriarlutik peqataasarnikuupput, tulluusimaarutigivarpullu, nipilersoqatigiit festivali uteqqiaffigalugu Nuummi ukiumoortumik appisimaarfigisarmassuk. Zikazakkut 80-ikkunni immiussat saqqummiussat akornanni tunisaanerpaanut ilaasarsimapput. Sisamanik saqqummiussaqarnikuupput taamaammallu nuannarineqarluartunik atugassaaleqinavianngillat, mitsimaaniit sakkortuunut. Siiva Fleischer erinarsortartuuvoq immikkuullarilluinnartoq, imaasinnaavorlu nuannarinnitsiminnut aamma nutaanik tusartitassaqarumaartoq. Zikaza peqataasussatut ilaagaangata tusarnaariartussat qiimmassimaartarput, tassami nipilersoqatigiit nunatsinni tusarnaartitsisartut pikkorinnersaasa ilagivaat, taamakkamillu nuannaartitsitsiuartartuupput.

ADAM & KIMMERNAQ
Kimmernaq, nunatsinni arnat erinarsortartut nuimanerpaat ilaagivaat, tusarnaarlugulu nuannerunnaarneq ajorpoq. Nipaa immikkuullarilluinnartuuvoq saqqummiussaalu maannamut marluusut tunisaalluarnikooqaat, taamaammat atugassaaleqiunnanngilaq. Qatanngutini Adam peqatigalugu nipaannerusunik atuillutik arfininngornermi ammaallutik appissapput, Martin Zink taktilersuusersortoq pingajoralugu.
Ukiut marlussuit matuma siorna Adam Katuap Paarlersuani Kimmernaq peqatigalugu tusarnaartitsigami tupaallatsitseqaaq assullu ersaattaanneqarluni. Taakkulu naammassippata immikkut aggersagaqerinnamik ataatsimik appissaaq.

NANOOK
Nanooq nunatsinni nunanilu allani tusarnaartitsisarlutik ulapissimapput immiussanillu saqqummiussaqartarlutik. Kingullermik ukit sisamat matuma siorna Nanook festivalimi appisimaarnikuupput. Nipilersoqatigiillu ukiuni kingulliunerusuni saqqummiussisartut akornanni tunisaalluarnerpaasarsimasut, 2018-imi saqqummiussaqarput taasamik ’Ataasiusutut Misigissuseq’. Saqqummiussarlu taanna nersorneqarlunilu gultinnassutaasup malitsigisaanik nunani avannarlerni nipilersoriartoqqussutinik kinguneqarsimavoq, minnerunngitsumik taaneqarsinnaallutik Islandimi AirWaves aammalu Danmarkimi Roskilde Festivalen.  Nipilersoqatigiit 2008-imili saqqummeramik siuariartuinnavissimapput tusarnaartitseriaasiallu ilisarnaqaluni pitsaalluinnartuuvoq. Nanook Kimmernaq & Adam immikkullu aggersagaasoqnaammassippata sassassapput.  Nipilersoqatigiit aamma arfininngornermi ualikkut inuusuttuaqqanut aaqqissuussami peqataassapput, MØ tusarnaartitsilertinnagu appisimaassallutik. 

JULIE
Julie Berthelsen, tassaagunarpoq Kalaallit Nunaanni tusarnaartitsisartut nuimanersaat, 2008-imilu peqataanermi kingorna aatsaat peqataaqqissaaq.  Ukioq mannalu appisimaarniarpai kalaallisut erinarsuutit atortakkani tuluttullu saqqummiussimani, Sarsuasuneersuniit tuluttut immiussani nuannarineqarluarut ilanngullugit. Julie erinarsortartutta akornanni tusarnaartitsisartuni misilittagaqarnerpaaasuuvoq immiussaallu 100.000-it sinnerlugit tunisaanikuullutik, taamaakkami Danmarkimi aamma erinarsortartut nuimanersaannut ilaalluni. Julie nunatsinni takunngippallaartarparput, qilanaarineqarsinnaavorlu imaannangitsumik takutitsinissaa, soorlu eqqarsaatigalugu nunani avannarlerni ukioq manna MGP-mi appisimaarnerat, isiginnaartartunit ajugaasussatut Ninalu toqqarneqarnerpaajullutik. Akisuanerit Festivalimi peqataanissaa qilanaaraarput. 


MØ, ukioq manna nunarsuarmi tusarnaartitsisartut sinnerlugit peqataassaaq. Nunarsuarmilumi sanilliuffigineqarani tusaamasaavoq. Erinarsugaani nuannerineqarnerpaaq 1 milliardinit amerlanerusunit streamerneqarluni isiginnaarneqarsimavoq. Europami, Asiami USAmilu tunisaanerpaat allattorsimaffiini ilaasarnermigut nunarsuarmi tusaamaneqarnerpaanut ilaavoq.

Nunarsuaq tamakkerlugu angalalluni tusarnaartitsisarpoq tullusimaarutigeqaarpullu siullermeersumik nunatsinnut tikisissinnaagatsigu. Nersornaatisiarpassuaqarpoq videoliai tunisaasimaqalutik Youtube-ikkullu isiginnaaneqarnerpaasartunut ilaalluni. Nipilersortunilu tusarnaartitsisarpoq rock-inik, elektroniskiusunik nipilersorlutik MØ-llu erinarsoriaasia immikkuullarilluinnartuuvoq. Tusarnaartitsisarpoq alutornaqisumik, soorluli immineq inimini kisimiilluni appisimaaginnartoq.   Arfininngornermi tusaarnaartitsinerni naggasiisuussaaq immikkullu akeqanngitsumik inuusuttunik tusarnaartitsiniarpoq, inuusuttut immikkorluinnaq tikittoqarnermik puigunaaatsumik misigisaqartikkumllugit (arfinngorninerup ualiani).