Ullut

Sumi: Paarlersuaq
Ulloq:
Pisigit

Gert & Nukaaraq Kristensen

Ukioq 2018-mi qatanngutigiit Gert & Nukaaraq Kristensen ukiut 20-nngortorsiorlutik CD-lioqqaarnerminik nalliuttorsiorput. Taamaattumik 2. marts 2018 Katuami nipilersussapput.

Gert Kristensen ilisaritsinnera
Gert Kristensen meeraallunili nipilersorneq soqutigisalerpaa. 11-nik ukioqarlini “ikinngutinnguara” taalliorlugulu erinnioqqaarsimavaa. 

Inuusuttuaraanini tamaat tallimanngornerit tamangajaasa qititsitsisarsimavoq. 1998-mi cd siulleq (Inuunera nuannersoq) saqqummerseqqaarparput aappaalu (Siunissaq) 1999-mi saqqummerluni, pingajuat (Sivittulerpoq) Nukaararlu immiussaat 2008-mi saqqummerpoq.

Massakkut Gerti angerlarsimaffimini immiussisarfeeraqarpoq inuit assigiinngitsut immiuterujoortarpai (ataatsimuusammik) aasamullu saqqummernissaa neriuutigaa facebookimi G studio alakkarneqarsinnaavoq.

Nukaaraq Kristensen ilisaritsinnera
Nukaaraq Kristensen 44-nik ukioqarpoq, Iluliarmiuullunilu.

13-inik ukioqarluni nipilersorneq soqutigilersimavaa. 1997-imi CD-lioqqaarpoq 1998-imi saqqummerpoq “Qanga kalaallit”, CD tullia “Ikinngutingaakkit”, CD pingajuat “Maqaasivunga”, kisimiilluni saqqummersitamini kingulliuvoq “Nukaaraq Kristensen” taannalu CD-eq qulequtaqanngilaq Nukaaraq Kristensenimik ateqarpoq. Nukaaqqap taalliaasa ilaat nalunnginneqarluartoq "Sialuit" takuuk!

Taavalu nukani, Gert Kristensen, ilangalugu 2007-imi “Sivittulerpoq” CD saqqummersillugu.


Nipilersortut

Gert Kristensen

Nukaaraq Kristensen

Niels Ole Olsen

Lars Peter Møller

Jørgen Clasen

Kammasukkut

Kammasukkut aallartipput 1978-mi ukuullutik Pavia Geisler, Hans Themothæussen, Erik Leander, Emanuel Sandgreen, kingusinnerusukkullu makkua Kammasukkunni peqataasarput Hans Lange, Hans Mikaelsen, Mathias Geisler, Angunnguaq Petersen, Hendrik Poulsen, Marius Sandgreen, John Geisler, Mads Grønvold, allarpassuillu.

Kammasukkut saqqummersitseqqaarput 1978-mi kassitsimik Anaanama Oqaassutai, tamatumalu kingorna arlalinnik saqqummersitisarput, kingullermillu saqqummersippaat Allakkatit, taanna 1983 musik videomik ilallungu saqqummersinneqarpoq.

Kammasukkut Diskobugtimi nipilersoqattaartarput amerlanertigut Ilulissani, kammasukkut annertunerusumik nunatsinni nipilersoqattaarnikuunngillat.

Kammasukkunni amerlanertigut Pavia Geislerip taalliai atorneqartarput  nipilersoqatigiillu allanngoralaartuartuupput tassa Pavia nipilersornermik soqutigisalinnik annertuumik sammisassaqartitsineq ingerlatarisaramiuk taamaalilluni nipilersortartunik assigiinngitsunik pilersitsiortortarluni. 

Tassa Kammasukkut Kammasuussutaat Hans Themothæussen-miit aallarnerpoq tassa taamanikkut nipilersoqatigiit Allanik imminnut taallutik nipilersoqatigiiulersut  Hans Rasmus Grønvold/ Anguteeq, Hans Th, Erik leander, Emanuel Sandgreenilu Pavia Geisler, Ingvar Lundblad, Karl aamma Pavia nipilersoqatigiiullutik, taamanikkut sungiusartut Pavia Geislerip tusarnaarujoortarpai nipilersortartut aammalu aallarterlaat taamaalillugit nipilersortartunngortussanut peqataakkajuttarsimavoq taamanikkut taavalu Allanik taangortut peqataaffigillattaarlugit ilannguffigiinnarpai tamatumalu kingorna Kammasukkut pilerput Hans Th-miit Pavia Geislerimit taanguusiukkunarlungu taakkuullutillu ingerlapput 1984 tikillugu. 

Tamatumalu kingorna 1986/87 ingerlanerani kammasukkut inuusuttuaqqanik nipilersortoqarluni ingerlaqqipput saqqummersitassaminnillu immiussingaluarlutik saqqumminngittoorporlu taanna tamakkulu ilanngullugit tusarnaartitsinermi atorneqassasut qularnanngilaq.

Paasissutissat
Ulloq: 2. marsi 2018
18-nik ukiulinninngaanniit
Akia: pisiaarnermi kr. 250,- // matumi kr. 300,-
Matut ammassapput nal. 21.00
Gert & Nukaaraq Kristensen appissapput nal. 22.00 -  23.45 missaata tungaanut
Kammasukkut appissapput 00.00 - 02.00 missaata tungaanut

Takunissarsi qilanaaraarput!